కత్తి పడవ

 పాత పేపర్ల దొంతర్లో 

దొరికిందో  తెల్ల కాగితం

మడతపెట్టని కత్తి పడవో 

రాయని సెలవు చీటీయో 

బాల్యాన్ని అడగాలి

వరం

 

వీళ్ళ బ్యాచ్ చాలా లేటుగా జాయిన్ అయ్యారు ఆ సంవత్సరం. 26 సెప్టెంబర్ లో జాయిన్ అయిన బ్యాచ్ కు , గాంధీ జయంతి మొదటి అనుభవం. స్కూల్ నిండా హడావిడి గా వ్యక్తృత్వ పోటీలు, ఇంగ్లీష్ లో ఎలక్యూషన్, debate, వ్యాస రచన పోటీలు పెట్టారు.

కొత్త కదా 6వ తరగతి నుండి ఎవ్వరూ వెళ్ళలేదు. భయం కొంత ఆ ఇంగ్లీష్ గ్రామర్ కొంత తెలీక. ఒకరిద్దరు బొబ్బిలి వాళ్ళు వ్రాశారు ఎస్సేలు. 

ఆ రోజు ఒకో తరగతి నుండి dias మీదకు వచ్చి గాంధీ గురించి చెప్పమన్నారు.

పెద్ద క్లాస్ వాళ్ళు హుందాగా వచ్చి ఫ్యాట్ ఫ్యాట్ మంటూ చెప్పి దిగి పోయారు.

6త క్లాస్ వంతు వచ్చింది. అడిగారు స్టేజ్ మీంచి. కేవలం కిట్టు పేరు విన్నారు కదా. కిట్టు వచ్చి చెప్పు అన్నారు తెలుగు మేడం.

కిట్టూ ఉస్సూరు మంటూ ఎక్కాడు.

మైక్ కి అందలేదు, కిందకు వంచారు

కిట్టు ఎడం వయిపు చూసాడు, మళ్ళీ కూడి వయిపు చూసాడు.

LOVE అన్నాడు బిగ్గరగా మైక్ లోకి. బాగా పెద్ద రీసౌండ్ వచ్చింది. ఆ మాట అనకూడదేమో అనిపించినా, గబుక్కున మాట్లాడట0 మొదలు పెట్టాడు.

Love is the benevolence of intent. Non violence is absolute benevolence. Hence to love is to be nonviolent" అన్నాడు.

Stage మీద ఉన్న టీచర్లు మెరుపు పడిన తాటి చెట్ల లా స్తంబాలు అయ్యారు.

తెలుగులో చెప్పు అని  మాస్టారు అన్నారు. 

ప్రేమ అంటే కరుణ. అహింస అంటే అన్నివేళలా కరుణ చూపటం. అంటే ప్రేమించటమే అహింస.

అని చటాలున దిగిపోయాడు.

......

కొన్ని క్షణాలు ఒక పిన్ను పడినా వినిపించే నిస్సెబ్దం.  తెలుగు చెప్పే సంస్కృత సార్ పెద్దగా చేతులుచాపి గట్టిగా చప్పట్లు కొట్టారు. ఆయన వెనుకాల ఒక్కొకరుగా అంద రు ఫ్యాకల్టీ కొట్టారు. 

కోటిగాడు కోటి రూపాయల లాటరీ దొరికినట్టు. hahahahaha ani పెద్దగా నవ్వాడు. తెలుగు సార్ మీరు చెప్పండి కిట్టు ఏమన్నదీ అని.

మాస్టారు వచ్చి అర్థం అయ్యిందా కిట్టు అన్న మాటలు అని అడిగారు. ఇంచు మించు అందరూ లేదు సార్ అన్నారు.

 కిట్టు గాంధీ సారం మొత్తం మూడు ముక్కల్లో చెప్పేశాడు. ప్రేమ అనే గుణం ఉంటే అహింస తనకు తానుగా వస్తుంది అని. ఎన్నో ఏళ్లు గాంధీ నీ చదివిన వాళ్ళు కూడా చెప్పలేం అలాంటిది ఆశువుగా చెప్పాడు కిట్టూ. అవేశం గా మన నవోదయ కు దేవుడిచ్చిన వరం కిట్టు this is really special అన్నారు sir. 

కిట్టూ కి తను అంత గొప్పగా ఏం చెప్పేశాను అని అర్థం కాలేదు. మళ్ళీ చెప్పమంటే అదే చెప్తాను అని guarantee కూడా లేదు.

కిట్టూ లైన్లో వెళ్తుంటే, ఒక అయిదున్నర అడుగుల అమ్మాయి, మల్లె పువ్వు చున్నీ, సమ్పంగి పువ్వు లాంటి నవ్వుతో దగ్గరకి వచ్చింది.

చిరంజీవి సినిమా గాంగ్లీడర్ లో విజయశాంతి లా అనిపించింది కిట్టు గాడికి, వెనుకనే ఇంకా ఎత్తుగా ముఖంలో చిరునవ్వు కళ్ళల్లో కాంతితో ఇంకో అబ్బాయి. సినిమా జంట లాగా ఇద్దరూ దగ్గరికి వచ్చారు.

బిందు కిందకు మోకాలి మీద కూర్చుని తమ్ముడు నీ మూడు ముక్కలతో బాగా చెప్పావు స్పీచ్. అని బుగ్గమీద ఏక బిక ముద్దు పెట్టింది, బుగ్గలు గట్టిగా చిదిమి0ది. చివరిగా తనకు తల్లి దగ్గర దొరికిన అనుభూతి మళ్ళీ ఇక్కడ. అరవింద్ అంట గొప్ప స్టూడెంట్ అంట తను వచ్చాడు, సూపర్ తమ్ముడు అని వీపు మీద చరిచి, నీకు గోపాల్ తో కలుపుతాను నీకు వాడికి సరిపోతుంది అని చెయ్యి పట్టుకొని  క్లాసులోకి తీసుకు పోయాడు. సీనియర్ క్లాసులో కిట్టు ఒక సంచలనం. అందరూ రావడం వీడు నెక్స్ట్ జవహర్ అనొ అరవింద్ అనో, గోపాల్ అనో అనడం, వీడు తెలీక నవ్వడం. ఒక అర గంట పోయాక 6 తరగతి దగ్గర వదిలే సారు. అలా ఇంకో వారం జరిగిపోయింది.

వేమనలా జ్ఞానోదయం

 

ఇది జరిగిన కొన్నాళ్ళు కిట్టు డ్రాయర్ లేకుండా చాలా బాధ పడ్డాడు. తన వస్తువులన్నీ మాయం అయ్యాయి అని ఇంక ఎవరికి ఏమీ ఇవ్వడం మానేశాడు, ఇవ్వటానికి కూడా ఏమీ మిగల లేదు.  I live for me, అన్న మాట.

ఒక రోజు యథాలాపంగా గ్రౌండ్లో పరుగెడుతున్నారు అందరూ morning drill కోసం. కిట్టూ శేషు చక్రి స్కూల్ మొత్తానికి ముందు ఉంటారు హైట్లో బాగా తక్కువ కాబట్టి. పక్కనే సీనియర్స్ కూడా ఒకొక దూరానికి పక్కనే పరిగెడుతున్నారు అందరికీ instructions ఇస్తూ.

తెల్లారే ఏదో సినిమా కథ హావ భావాలతో చెప్పేస్తున్నారు చక్రి శేషు. కిట్టూ వింటున్నాడు. షూ లేస్ లూజ్ గా కట్టి, దానిని కట్టే వంక తో పక్కకి ఉండి పోవడం వీళ్ళ అలవాటు. ఆరోజు అదే లేస్ వలన కిట్టు కింద పడ్డాడు, వాడిమీద students stamping చేస్తూ వెళ్లిపోతున్నారు. అది పెద్ద దెబ్బ తగిలే ప్రమాదమే, ఇంతలో ఒక సీనియర్ వీడి మీద వాలిపోయాడు రక్షిస్తూ. పాపం చాలా మంది కుమ్మేసారు ఇద్దర్నీ. 

పక్కకి దొర్లి వీన్ని బయటకు లాగాడు సీనియర్, ఎదురుగా రామకృష్ణ ! 

కిట్టూ కి విపరీతమయిన ఆశ్చర్యం. తమ్ముడు ఎక్కడ తగిలింది అన్నాడు, వీడు సమాధా నం ఇచ్చే లోపే వల్లో వేసుకుని nurse దేవకీ దగ్గరకి పట్టుకు పోయాడు.

మేడం ఇంక అప్పుడే లేచారు నైటీ లో ఉన్నారు, గాభరాగా రూంలోకి తీసుకువెళ్ళి ఇద్దర్నీ పరీక్ష చేశారు. ఇంకో నిమిషానికి వీడు బాగా దెబ్బలు తినేవాడు నువ్వు చాలా బాగా కాపాడావు అన్నారు.

అయినా ఈ యధవ కోసం నువ్వు దెబ్బలు ఎందుకు తిన్నావు అంటే అదేంటి మేడం చిన్నవాడు ఏదో తెలీక చేశాడు మొన్న అన్నాడు. కిట్టూ కి మెల్లగా అర్థం అయింది ఈ నవోదయ ఆలోచనా పద్దతి. రామకృష్ణ చొక్కా తీసి చెక్కు చెస్తున్నారు మేడం, బాగా కవికి పొయిన్ది. ఎదో రాసి రామకృష్ణ నువ్వు బెస్ట్ స్టూడెంట్ విరా అని అంటున్నారు మేడం. 

అన్నయ్యని చూసాడు ఏక బికిన కాళ్ళను చుట్టి పట్టుకున్నాడు, నన్ను save చేసినందుకు చాలా thanks అని. కిట్టు తల నిమిరాడు. సరే తమ్ముడు అని చక్కా వెళ్ళిపోయాడు ramakrishna.

ఆ రోజు కిట్టు స్నానానికి బెడ్డు దగ్గర దాచుకున్న బకెట్ తీసుకుందాం అని వెళ్ళాడు. ఏదో పెద్ద హత్యా స్థలం లాగా అక్కడ నీరు చేరి ఉంది, కొందరు పిల్లలు గుమికూడి పాపం అంటున్నారు. కిట్టూ బకెట్ కి కన్నం పడిపోయింది. కిట్టూ కి విపరీతమయిన బాధ కలిగింది, ఇప్పుడు స్నానం ఎలా అని. ఎదురుగా ప్రసన్న వచ్చాడు, ఏరా నాతో రా అన్నాడు. కిట్టూ కి అర్థం కాలే, ఒక నెల రోజులు నుండి ఒక కాగితం కూడా ఎరువివ్వని వాడికి సహాయం ఎందుకు చేస్తున్నది అర్థం కాలేదు

ఉన్న సగం బకెట్ నీటిలో నాలుగు ముంతలు కిట్టూ కి ఇచ్చాడు. కిట్టూ ఆపద గడిచింది.

ఆరోజు కిట్టూ కి అర్థం అయింది సహజీవనం అంటే ఏమిటీ అని. డ్రాయర్లు లేకుండా పోయినా, వళ్ళంతా దెబ్బలు పడినా,  ఒక పెద్ద లెస్సన్ నేర్చుకున్నాడు.

బస్తీ మే సవాల్

రోజంతా తిండి లేకుండా సాయంత్రానికి మాత్రం బాగా ఆకలి వేసేది కిట్టూకి. టీ గొట్టం దగ్గర మాత్రం చాలా బాగా తాగేవాడు. బెల్లు కొట్టిన వెంటనే లైన్లో కి వెళ్లి గ్లాసు ని అయుధంలా వాడి వేడి వేడి టీ పట్టుకునే వాడు. 

టీ గ్లాసులు నిండే లోపు గ్లాసు తోసి నింపుకు నేవారు. కాసేపటికి కిట్టూ వంతు వచ్చింది. పట్టుకుంటూ ఉన్నాడు కిట్టు. ఇంతలో బిడ్డ ఆకారం, పక్కనే వచ్చింది గ్లాసు తోసి తనది నింపుతున్నాడు సీనియర్. కిట్టూ గ్గాడికి వల్లు మండింది. అన్నయ్య ఆగు అన్నాడు మళ్ళీ తోసాడు సీనియర్. అంతే ఏక బికిని గ్లాసు వెనక్కి లాగి వాడి మొఖాన కొట్టారు వేడి టీ. 

వాడికి మండింది. కిట్టూ ఫిల్టి పట్టుకుని పైకి లాగాడు, ఒక గట్టిగా లెంప కాయ వేశాడు. కిట్టూ కింద పడ్డాడు .. గానీ కిట్టు అదృష్టం ఎలా ఉందో పక్కనే వెళ్తున్న జాగ్రఫీ సిర్ చూసారు. ఏరా చిన్న వాళ్ళని కొడుతున్నవా అని, ఎదురుగా ఉన్న మఱ్ఱి చెట్టు కొమ్మ లాగి సీనియర్ నీ చిత్తుగా కొట్టాడు. బాగా దెబ్బలు పడ్డాయి ఆయనకు. కిట్టూ నీ చూసి పోరా అని పంపించేసాడు సిర్. 

ఆరోజు కిట్టు శౌర్య గాథ దావానలంలా వ్యాపించింది. కిట్టూ దెబ్బలు తిన్నాడు గానీ తన ఛాతి ముందుకు పెట్టుకుని మెక్కుతూ నడుస్తున్నాడు. 

Mess time, కిట్టూ కూర్చున్నాడు టేబుల్ మీద. సంగీత వచ్చింది, ఏంటి తమ్ముడూ నీకు బాగా డబ్బులు దొరికాయి అంట అన్నాది. నాకా దెబ్బలా... Small affair ..  అన్నాడు. సీనియర్లుకూడా నీ వలన దెబ్బలు తిన్నారు అంట. ఓస్ నాకు సీనియర్ ఒక మూతి మీద ఈక అని, లేని మీసం మేంచి ఒక ఈక పీకి ఉఫ్ఫ్ అన్నాడు. సంగీత విప్పిన  నోరు విప్పినట్టే ఉండి పోయింది.

కాసేపటికి సీనియర్లు వచ్చారు, అన్నయ్య దగ్గరకి సంగీత చేరింది. అన్నయ్య బాగా దెబ్బలు తగిలాయా అని బాధగా అడిగింది, ఏదో చెల్లి చిన్న మిస్ understanding అన్నాడు. ఔనా ఆ తమ్ముడు అలా అనలేదే, నువ్వు మూతి మీద ఈక సమానం అని చెప్పాడు, అన్నా

అక్కడున్న అందరూ అవాక్కయ్యారు, నిన్న తెల్ల చొక్కా వేసుకున్న పొట్టోడు అంత మాట అంటాడా అని.  అందరూ జాగ్రఫీ సిర్ దగ్గర చేరారు సార్ రామకృష్ణ  ఎలాంటి వాడో మీకు తెలుసు కదా. చూసారా ఆ కిట్టు గాడు ఎంత మాట అన్నాడో అని. సిర్ మీకు banana peal చేసి చెప్పాలా , చెయ్యాల్సిందే మెత్తగా చెయ్యండి అని ఆయన నవ్వుతూ అన్నారు. 

ఆ రొజు రాత్రి, కిట్టూ బెడ్డు చుట్టూ చాలా మంది చేరారు, తమ్ముడూ నీకు నెల రోజులు బకెట్ గానీ కడ్రాయర్ గానీ ఉండవు. నీకు దమ్ము ఎక్కువా కదా అని. అలా కిట్టు గొప్పదనం పూర్తిగా అర్థం అయ్యింది కిట్టు గాడికి.....

పునరపి జననం

బొగ్గు ట్రైన్ స్టేషన్ లోకి వచ్చినట్టు కలలో ఉన్నాడు కిట్టు. బండి వదిలే సమయానికి పెద్దగా విజిల్ వేస్తున్నారు ఎవరో, లేవాలి బాయ్స్ of Rajeev లేవాలి అని.

కళ్లు తెరిచాడు. ఒక పెద్ద ఆకారం పసుపు చొక్కా పెద్ద సాక్స్ లతో బూట్లు వేసుకుని బిగ్గరగా విజిల్ వేస్తున్నాడు. కన్నా చిట్టి తండ్రి లేవాలి అని కాకుండా ఇది ఏదో గొంతులో కరక్కాయ పడినట్లయింది. ఎక్కడున్నాడో ఇంక అవగతం అవ్వలేదు. 

సన్యాసి కృష్ణ రాజు, అనగా కిట్టు, చక్రి, శేషు, రుక్మిణీ భామలతో,  వైకుంఠపురం లో మేలుకుంటున్నాడు, శేషు. శేష చక్ర రుక్మిణీ భామా సహిత సన్యాసి కృష్ణ.. ఉరఫ్ కిట్టు. ఈ రోజు మళ్ళీ పుడతాడు కొత్త కిట్టు.

ఈ కాలి దగ్గర ఇద్దరు ఆడ పిల్లలు ఎవరు, బెడ్డు పక్కనే చక్రి, శేషు ఏమిటి.  మెల్లగా గుర్తుకు వచ్చింది. రుక్మిణీ నీ లేపాడు వెల్లు వెల్ల మని గట్టిగా కటువుగా తోసాడు. అయిదుగురు లేచారు.

దూరంగా బెల్లు, విజిల్ సెబ్దాలు ఇవన్నీ విని అయోమయంగా ఉన్నారు. పెద్ద పిల్లలు ఒకొకరు కళ్లు తెరిచిన మరు క్షణం బూట్లు వేసుకుని పారిపోతున్నారు. అర్థం అయ్యింది కాసేపటికి ఇంకా బూట్లు ఇవ్వలేదు కదా అలాగే బయలు దేరారు, రుక్మిణీ ఏకంగా పరికిణీ లోనే గ్రౌండ్ కి వచ్చేసింది.

అక్కడ ఒక మగాడు పెద్ద జుట్టు విప్పుకొని నంబర్లు అరుస్తుంటే అక్కడకు వెళ్ళాడు, బాస్ అనబోయి అన్నయ్యా నేను ఎక్కడకికి వెళ్ళాలి అని. 

ఒక్క లెంపకాయ పడింది scoundrel,  p.e t madam ni. అక్కడకు వెళ్లి లయినప్ చెయ్, అని ఉరిమింది ఆడ గొంతుక. దీ. ని... అనుకుంటూ ముందుకు పోయాడు. 

అక్కడ మరో ఆకారం పొదవాటి జుట్టు విరబోసుకుని చేతులూ కాళ్ళూ సాగ తీస్తున్నాడు. దగ్గరకి వెళ్లి మేడం ఎక్కడ నిల్చో వాలి అన్నాడు. 

హహహ అని పెద్ద మగ గొంతుక. నేను మీ సార్ నిరా..... కిట్టు బుగ్గ మీద చెయ్యి పెట్టుకున్నాడు. 

ఓ sixth క్లాస్ కదా ... welcome.. అక్కడ huddle చెయ్యి అని మంచి హుషారు గా జవాబు వచ్చింది. ఓకే ఇక్కడ తిక్క ఎవడికుందో కూడా చెప్పలేం అని అర్థం అయ్యింది కిట్టు గాడికి. 

కాసేపటికి తెల్లారింది. అందరి మొకాలు చూస్తున్నాడు. ఇన్ని కొత్త మొహాలు ఓకే సారి చూసే సరికి వాడికి విచిత్రం గా ఉంది. ఒకడు ఏకంగా స్కూల్ బాగ్ తో వచ్చాడు, ఒక అమ్మాయి చిన్న నైటీ లోని ఒకడు చొక్కా లేకుండా ఉన్నాడు. pet madam sir ఒకొకరి దగ్గరికి వెళ్ళి చెప్తున్నారు. ఇలా రావచ్చు ఇలా రాకూడదు అని. 

వెల్ల బొయే మున్దు, ఆ పొడవాటి జుత్తు తొ ఉన్న సారు, వెల్ల బోయే ముందు, ఇందాకల పొడవాటి జుట్టు ఉన్న సారు, జుట్టు పిలకలా కట్టి.  వెనక్కి తిరిగి గుట్టమీద నిల్చొని, అందరిచేత G. A. N. G Gang leader అని అరిపించాడు. 

కిట్టూకీ బాగా సరదాగా నూ ఇక్కడ టీచర్లకు తిక్కతో పాటు వేప కాయంత వెర్రి

కూడా ఉంటాది అనిపించింది

మళ్ళీ బెల్లు కొట్టారు. కిట్టూ కాళ్లు ఈడ్చుకుంటూ తన వస్తువులు పట్టుకుని బోరింగ్ దగ్గరకి వెళ్ళాడు. అక్కడ చొక్కా లేకుండా వట్టి డ్రాయేర్ వేసుకుని అతి మురికిగా మట్టి మట్టి గా ఇద్దరు పిల్లలు.

ఇంకా పూర్తిగా తెల్లవారక, పక్కనే ఉన్న ఇసక బట్టీ కూలీ పిల్లలు లాగా కనిపించారు.

కిట్టూ కొంచెం నీళ్ళు కొట్ట మన్నాడు . మొకం నిండా బురద దుమ్ము తో ఉన్న వాళ్ళు పంప్ కొట్టారు. కిట్టూ మీరు స్కూల్లో కూలికి వచ్చారా అన్నాడు.

ఇద్దరూ నీ యబ్బరో.... నీకు అని కిట్టూ మీద అమాంతం పడి కిందకి తోసి మీద ఎక్కారు. కిట్టూ కి మెల్లగా ఆకారాలు కనిపించాయి. ఒరేయ్ చక్రీ అన్నాడు, ఔన్రా అని శేషు చక్రి జవాబు ఇచ్చారు.

నాది ఈ రోజు పుట్టినరోజు అని మెల్లగా చెప్పాడు.

కొంచెం తల మీద పోస్తారా అని. ఓస్ అంతేనా ఇద్దరూ కలిసి కిట్టు వాడికి కొన్ని ఉత్తిత్తి మంత్రాలతో తలంటారు. నిన్న ఉదయం అమ్మ తలంటు పోస్తుంటే చేసిన గొడవ గుర్తుకు వచ్చింది, చక్రీ శేషు తలమీద నీళ్ళు పోస్తుంటే కన్నీళ్లు తలంటులో కలిసిపోయాయి. కిట్టూ కి అభిషేకం జరిగింది వాళ్ళ దయవలన.

అలా ప్రార్థన సమయానికి చేరారు మెల్లగా. అమ్మ పెట్టిన తెల్ల యూనిఫాం వేసుకున్నాడు కిట్టు. ఆ రోజు white dress కూడా కదా, ఆరో తరగతి వరసలో చిత్రంగా కనిపిస్తున్నాడు  పొట్టి కిట్టు. 

ఒక చేట భారతం లాంటి ప్రేయర్ సాంగ్ పాడుతున్నారు.

థూ..నా.. జన్మ అనిపించేలా హిందీలో బాధగా ఉంది పాట. ఆ రాగం అషాడ మాసంలో ఆకలికి వీధి కుక్కలు ఏడుస్తాయే అలా ఉన్నాది. అంత హిందీ లో ఆ పాట రాసిన వాడికి రెండు కాళ్ళ మధ్య తడి తువ్వాలుతో కొట్టాలి అనుకున్నాడు. బావి దగ్గర అన్నయ్య తడి తువ్వాలుతో  బాదిన బాదులు గుర్తుకు వచ్చాయి. నవ్వు కున్నాడు.

తెలుగు పిల్లలకు హిందీ లో ఎందుకురా మొర్రో అనుకున్నాడు. ఉదయం పాట అంటే కశక్కురో.... కశక్కుద్దా... అలా ఉండాలి అని. తరువాత మూడు భాషల్లో ఏదో చెప్పారు, తరువాత ప్రపంచ తుమ్మ చెట్టు దినోత్సవం మీద ఇంగ్లీష్ లో వాగాడు ప్రిన్సిపల్  కోటిగాడు. ప్రిన్సిపల్ ని కొటి గాడు అని మాత్రమే పిలవాలి అని ఈ పాటికే గట్టిగా హెచ్చరించారు సీనియర్లు.

కిట్టూ కి ఈ జన్మ మీద విరక్తి పుట్టేస్తుంది. స్కూల్ రిక్షావోడు తిట్టిన తిట్లు మళ్ళీ మళ్ళీ  తిడుతున్నాడు. కాసేపటికి ఒక మేడం మైక్ దగ్గరకు వెళ్ళి, ఇప్పుడు పుట్టినరోజు శుభాకాంక్షలు అని, చిన్న చీటీ మీద సన్యాసి వెంకట కృష్ణమ.. అనేలోపు కిట్టు.. కిట్టు... మేడం అని గట్టిగా అరిచాడు కిట్టు గాడు. తన పేరు సన్యాసి అని ఎవరికి తెలియకూడదు అని. సరే కిట్టు రా అన్నారు.

పయికి వెళ్ళాడు కిట్టు. వాడి వలకం, తెల్ల బట్టలు, ముడుకులు దాటిన పెద్ద నిక్కరు చూసి principal ki ముచ్చట వేసింది. 

స్కూల్ మొత్తం హ్యాపీ birthday పాడి, మూడు మూడ్లు తొమ్మిది సార్లు చప్పట్లు కొట్టారు. పుట్టి ఏదో సాధించినట్టు ఫీల్ అయ్యాడు కిట్టు. అబ్బా స్కూల్ అంటే ఇదా అనుకుంటూ దిగబోతుంటే. ఆవేశంగా principal చూసారా పిల్లలూ పువ్వు పుట్టగానే పరిమళిస్తుంది అన్నారు. I have a good feeling about this class. అని...

లైన్లో వెళ్తుంటే రుక్మిణీ చేతిలో బిళ్ళ పెట్టింది. తిను బర్త్డే కదా అని. ఆరోజంతా కిట్టూ ని ఒక హీరో లాగా చూసారు స్కూల్లో ఎక్కడికి వెళ్ళినా హ్యాపీ బర్త్డే తమ్ముడు అని. అలా రెండో రోజు గడిచింది కిట్టు గాడికి. 

తొలి రాత్రి

కిట్టూ తన బెడ్డు వరకూ వచ్చాడు. కింద బెడ్డు అవ్వటం వలన పెద్దగా వెలుతురు లేదు. బోర్లా పడ్డాడు, ఉదయం 5 లేచి ఇప్పటి వరకు జరిగిన సంఘటనల వలన తలంతా దృశ్యాలు గిర్రున తిరుగుతూ ఉన్నాయి.

ఇది నిజమా కలా ఇంకా అర్థం కాలేదు. పై బెర్తుని గట్టిగా తన్నాడు, పైన చక్రి నీ..య... అని కిందకు వాలి మళ్ళీ తన్నావో జూటు మిల్లు పక్కన పాతేస్తా అని కేక పెట్టాడు.

కిట్టూ కి కొంచెం కళ్ళలో నీళ్ళు వచ్చాయి, అన్నయ్య కదా తిడతాడు అలా అని. పెట్టె తీశాడు, కడుపు దేవెస్తుంది, అమ్మ వెలిపోతూ ఒక పూరి మాత్రం కప్పులో పెట్టి మరచిపోయింది.

కప్పు తీశాడు, ఒక ముక్క తిన్నాడు, ఆ రుచికి ...... 10000 కిలోమీటర్ల వేగంతో మనసు ఇంటి వంటింటికి చేరింది. అమ్మ వేసిన పోపు వాసన, అన్నం పెట్టి ఒకో ముద్ద తినిపించే విధం గుర్తుకొచ్చింది. 

కళ్లు ఆనకట్ట విరిగిన ఊరి చెరువులా ప్రవహిస్తున్నాయి, ఏడిస్తే ఆత్మాభిమానం, మెల్లగా గుక్క పెడుతున్నాడు.

అమ్మా నాన్నా డయరీలొ పెట్టిన ఫొటోలు తీసాడు. దాచుకున్న దుఃఖం పూర్తిగా అదుపు తప్పింది. ఫొటోలు తడిసి ముద్దయ్యాయి, అది చూసి దుఃఖం ఇంకా పెరిగింది.

పక్కనే ఒక door open అయ్యింది, "అబ్బాయ్ నువ్వు ఏడిస్తే అందరికీ ఏడుపు వస్తుంది. ప్లీజ్ ఏడవకే." అంటుంది ఒక ఆడ గొంతుక. 

శేషు గాడు మొకం వేలేసుకుని కిందకు దిగాడు, కిట్టు యేడకరా అని. చక్రి కూడా వచ్చాడు పక్కనే కూర్చున్నాడు, కాసేపటికి అమ్మాయిల గది లోంచి ఉదయం పరికిణీ వేసుకున్న రుక్మిణీ వచ్చింది. కొంచెం ఆగి, ఇందాకల అన్నాదే ఆ పిల్ల కూడా వచ్చింది   బాయ్ కటింగ్ లో అమ్మాయి, భామ. ఆచ్చం అబ్బాయి లాగా ఉంది.

అందరూ కిట్టు బెడ్డు దగ్గర చేరి వాడికి ఓదారుస్తూ తమను తాము ఓదార్చు కుంటున్నారు. 

అలా ఆ రోజు కిట్టు శేషు చక్రి రుక్మిణీ భామా కలిశారు. 

ఇదే వారి కొత్త జీవితపు మొదటి రోజు. అలా మొదలయ్యింది, నవోదయ వైకుంఠపురం లో క్రిష్ణశేషచక్రీరుక్మిణీభామా యుగం. 

నవోదయ వైకుంఠపురం

(ఇవి నా కథలు, కాదు మా కథలు, కొన్ని నిజాలు, కొన్ని కాల్పనికమ్, కొన్ని వుత్త సొల్లు కబుర్లు, కాని ఇవి నిజానికి దూరము కాదు. ఇందు లోని కిట్టు శేషు చక్రి రుక్మిణీ భామ ఒక్క పిల్లా పిల్లోడో కాదు. టామ్ సాయర్ లా వీళ్ళు composite పాత్రలు.కానీ వీరిని పోలిన వాళ్ళు నిజంగానే ఉన్నారు. వాళ్ళు ఈ ఫోటోల్లోనే ఉంటారు . 1994-2001 మధ్య, అనగా అనగా ఒక అశ్రమ పాఠశాలలొ జరిగిన విషయాలు ఇవి. Truth is stranger than fiction, because friction has to be possible but truth doesn't.)

బడి అంగణం లోకి ప్రవేశించగానే ఒక వయిపు రావి చెట్టు, ఇంకో వయిపు ఆశ్రమంలా ఓకే వరుసలో గడ్డి పాకల్లో తరగతి గదులు.

ఎవరో గొప్ప మహాత్ముడు కట్టిన ఆశ్రమం లాగా , తూర్పు పడమరల్లో బ్లాక్ బోర్డు ఉండి, ఉత్తర దక్షిణ ల్లో స్వేచ్ఛ గా గాలి వీస్తుంది. మామిడి తోరణాలు కట్టి పండుగ పూట లాగా తయారు చేసి ఉన్నాయి గదులు.

రావి చెట్టు పక్కన ప్రార్థనా ప్రదేశం ముందు ముగ్గు తో బొమ్మలు వేసి కొత్త విద్యార్థులకు స్వాగతం అని రాస్తున్నారు కొందరు అమ్మాయిలు. తెల్లటి చొక్కాలు, నీలం రంగు స్కర్ట్ వేసి కొందరు, కొందరు నిండుగా చుడీ దార్ , చున్నీ వేసుకుని నేర్పుగా వేస్తున్నారు. వాళ్ళు నవ్వుతుంటే కడిగిన ముత్యాలు కడవల్లో కదిలినట్టు ఉంది.


రావి చెట్టు కింద తెల్లటి చొక్కా, నిడువు బొట్టు పెట్టుకున్న ఒక పెద్ద ఆయన, హుందాగా కుర్చీలో కూర్చుని పేపర్ మీద రాస్తున్నారు. ఆయన చుట్టూ శివగణా ల్లాగా, ఒక ముగ్గు టీచర్లు, ఒక ముగ్గురు లేడీ టీచర్లు నిల్చున్నారు. వారి ముఖాల్లో ఒక కరకు దనం ఖచ్చితంగా కనిపించింది కిట్టు గాడికి.

ప్రవేశ మార్గానికి అడ్డంగా ఉన్న, కాలువ మీద ఉన్న చిన్న వంతెన దాటి లోపలికి రాగానే,  నాన్న చేతిలోని కాగితాన్ని May I see sir, అని ఒక పెద్ద కుర్రాడు లాక్కుని, మూడు సార్లు ఓకే ఓకే ఓకే అని, ఒక స్కెచ్ పెన్ను తో కిట్టూ జేబు మీద 521/R Ani రాసి , తమ్ముడూ అక్కడ R అని ఉన్న చోటికి వెళ్లి ఈ కాగితం మళ్ళీ చూపించు అన్నాడు.

కిట్టూ కి కొంచెం కోపం ముక్కులో కి వచ్చింది నా పేరు కూడా అడక్కుండా నంబర్ వేశాడు అని. "Boss, మరి పెట్టి బకెట్ ఏం చెయ్యాలి?" అన్నాడు. 

Boss అని విన్న సీనియర్ కి చిన్న షాక్ కొట్టింది. కిందకి చూసాడు, "అన్నయ్య అనాలి ఓకే? ఇక్కడ బోస్, మాస్టారు , గురూ గారూ అని పిలవకూడదు అని చెప్పాడు.

"సరే అన్నయ్యా పెట్టి ఏం చెయ్యాలి", అన్నాడు కిట్టూ. సీనియర్ మీ వాళ్ళకి ఇవ్వు అని చక్కా తీసుకు పోయాడు కిట్టూ ని. వాడిని వెనక నుండి చూస్తూ వీస్తూ పోయారు కిట్టూ అమ్మా నాన్నా మమ్మల్ని ఒక్క క్షణం లో ఎలా వదిలేశాడు అని.

లోపలకి వెళ్ళాడు కిట్టూ, అక్కడ ఒక చీర వాణి కట్టుకున్న ఒక లేడీ చేతిలో స్టెతస్కోప్, బస్టాండు
 బరువు చూస్తారు అలాంటి మిషన్ పక్కన నిలబడి ఉంది.

కిట్టు వెళ్ళాడు.

"సన్యాసి  వెంకట కృష్ణ రాజు". అని పిలిచింది 

"నేనే, కిట్టూ... కిట్టూ అనాలి", అని గుర్రుగా చూసాడు

"సరే కిట్టు ఇటురా" ఆన్నాది ఆవిడ. "ఎక్కు"

మిషన్ ఎక్కాడు.
18 !

ఆవిడ మిషన్ మీద మళ్ళీ కొట్టింది

"ఏరా 18 kg లేనా, 20 ఉండాలి అడ్మిషన్ కి" ఆన్నాది 

నానేం సేత్తాను అన్నాడు కిట్టు.

"ఏదీ కళ్లు చూపించు, అబ్బా. నువ్వేం తినవా"

 "YES, తింటాను జంతికలు కజ్జికాయలు తాండ్ర".... మేడం నెట్టి మీద ఒకటి వేసి అన్నం తినవా వెధవా ఆన్నాది.

"No, Madam not interested in rice"

సరే నిన్ను debar చేసీనా అని నవ్వీ, సంగీత వీడికి రెండు పెద్ద గ్లాసుల్లో పాలు పట్టుకురా అని పంపింది.

తాగించి మళ్ళీ weigh చేస్తాను అన్నాది మేడం. కిట్టూ కి అర్థం అయ్యింది 20 లేకపోతే రిజెక్ట్ అని. కామ్ గా పక్కన కూర్చున్నాడు

ఇంతలో ఇంకో  ఇద్దరు వచ్చారు. మేడం బుర్ర పట్టుకున్నారు ఈ సంవత్సరం కరువు మోహా లేంట్ర బాబు అని. పేర్లు చెప్పారు, చక్రి,  శేషు అని. 18, 17... సంగీత వస్తుంది రెండు గ్లాస్ లో పాలు పట్టుకుని. మేడం మళ్ళీ వీరికి తెమ్మని పంపించారు. 

మొత్తం మీద ముగ్గురికి పాలు పట్టి మెడికల్ టెస్ట్ పాస్ చేశారు మేడం.

కాసేపటికి ఒకొక కుర్రాన్ని వాడి బెడ్డు వరకు చేర్చారు సీనియర్లు.

ఇంక వీడ్కోలు సమయం, అమ్మ నాన్న సడెన్గా గుర్తుకొచ్చారు కిట్టూ కి. బయటకు ఓకే గుక్కన పరిగెత్తాడు.

అక్కడ చెట్టు దగ్గర తల్లి దండ్రులు, ఖులాసాగ మాటలు పెట్టుకున్నారు. కిట్టూ వచ్చి అమ్మ  కాళ్ళల్లో కి పరిగెత్తాడు. అమ్మ ఎత్తుకుంది నాన్న దగ్గరకు తీసుకొని, బాబు జాగ్రత్త సమయానికి తిని, ఉత్తరం రాయు, డబ్బులకు ఇబ్బంది పడకు అంటున్నారు. అమ్మ కళ్ళలోకి జడి వానలా కన్నీళ్లు, నాన్న జోబులోని ఉన్న రూపాయలు అన్ని కిట్టూ పై జోబులో వేసేశారు. అంత మనిషికి గుండెల్లో ప్రాణవాయువు పోతున్నట్టు చెట్టు మీద అనుకున్నారు.

కిట్టూ కి సందర్భం ఇంకా అర్థం కావటం లేదు, తన రోల్ నంబర్ , తాగిన పాలు, శేషు, చక్రి, ఇచ్చిన కొత్త పళ్ళెం, ట్రంకు పెట్టి,  బకెట్ ఇవే తనను ఉక్కిరి బిక్కిరి చేస్తున్నాయి. ఓకే ఓ అంటూ వింటున్నాడు.

All parents please head to the front అని బిగ్గరగా అన్నాడు ఒక సీనియర్ అబ్బాయి. చాలా పొడుగ్గా ఠీవి గా ఉంది మల్లెపూలాంటి చొక్కా పెద్ద కవాతు బూట్లలో ఏదో పెద్ద పోలీస్ ఆఫీసర్ లాగా గర్జించింది అబ్బాయి కంఠం.

అంత పెద్ద parents మెత్తగా అబ్బాయి చెప్పినట్టు ప్రవేశ ద్వారం వయిపు నడిచారు.

ఒక అర గంట ఒకో పిల్లాడు పిల్ల పేరెంట్స్ దగ్గరకి పోవడం, వాళ్ళు చిన్నపిల్లలను బాగా ముద్దాడి బుద్దులు చెప్పి పంపించేయడం. మర్చిపోయిన విషయాలు చెప్పడం ఇలా ఒక 30 నిమిషాలు వీడ్కోలు జరిగాయి. సాయంత్రం సెషన్ కి బెల్ కొట్టారు

ప్రిన్సిపల్ ఇంకా కొత్త వార్డెన్లు కొందరు కాలువ మీద ఒక వయిపు నిల్చున్నారు.

వీడ్కోలు చెప్పే తల్లి దండ్రులకు వారి చిట్టి తల్లులు బుజ్జి పాపాయిల కనిపిస్తున్నారు. పాలు తాగటానికి నిన్నే మారం చేసిన కొడుకు, జడ వేయటం ఇంకా రాని పాపాయి, పూర్తిగా పాల నత్తి పోని అబ్బాయి వీళ్ళే వాళ్లకు కనిపిస్తున్నారు. కొందరు ఇక్కడయినా మూడు పూటలా తింటాడు అని ఒక రైతు ఆశ. ఒకరు ఇక్కడియనా తల్లి లేని లోటు మర్చి పోతుంది అని ఒక తండ్రి. ఇది వారి దృక్పదం.

మధ్యలో నిలపడ్డ టీచర్లకు, అదే పిల్లల్లో స్వాపినికులు, దార్శనికులు, వైద్యులు, ఉపాధ్యాయులు, సైనికులు కొట్టొచ్చినట్టు కనిపిసస్తు న్నారు.

"నవోదయ వైకుంఠపురం కాల్పనికమ్, కాని ఈ ఫొటొల్లొ ఉన్నవారు నిజాలు"

పిల్లలకు మాత్రం ఆ రోజు తమ జీవితాల్లో వచ్చిన మార్పు తమ ను నిలువెల్లా మార్చేస్తుంది అని ఇంకా అర్థం కాలేదు.

సాయంత్రం స్నానానికి బెల్లు మోగింది. బస్సు వచ్చింది, తల్లి దండ్రులు వారి దారిన పట్టారు. పిల్లల ముందు కళ్ళల్లోని కన్నీరు ఆపుకుంటూ ఎక్కారు, రయ్ అనబోయే కండక్టర్ గారికి ఒక క్షణం పట్టింది.

ఆరోజు వైకుంఠపురం బస్సులో తడవని కన్ను లేదు.

ఎంకి పోటు

ఎంకి పోటు
(A Damsel's Tide) 

వెన్నెల చీర

చుట్టుకుని 

చనుల

కుసుమాలు

దాచుకుని

గోధూళి

వర్ణంలో

మెరిసే

తెలుగు

గువ్వా

నీమొగ్గల

సిగ్గులు

నీసన్నని

కోనసీమ

పరువాలను

గోపీచంద్

నాయికలా

పంట కాలువలో

జలకాలాడి

శరదృతు

చందమామకు

ఆరపోస్తే

అటు పోట్లు

పొడిచేస్తే

విశాఖ

ఒడ్డులో

ఒంటరిగా

ఎదురు

చూసే

గుండెల్లో

రాదా

సునామీ

ఈ నవమీ

దశమీ

తుషార సంగమం

తుషార సంగమం

(Confluence of the Dew Droplets)

ఊపిరి సెగల్లో

ముంగురులు

ఎగిరిన 

వాయులీన

శ్వాసలో

మోముపై

పొగమంచులో

తడబడి నీరైన

సంపెంగ

బుగ్గల్లో

ఉదయపు తుషారాలు

రెండు

మంచు

బిందువులు

కరిగి

కలిస్తే ఒకే

ప్రేమ చినుకు

ఆ ఇద్దరు

బాబు ఏడ్చాడు ....

బాబు ఏడ్చాడు

(Sorrow of Achilles)  

అది కన్నీరో కాదో
కరిగిన దార్శనిక
జల ఏమో

నేత నిజంగా
ఏడ్చాడా
నేత అబద్దం గా
ఏడ్చాడా

నిజం గా ఏడిస్తే
మన తప్పే
బొంకుగా ఏడిస్తే
ఇంకా తప్పే

బొంకు కన్నీరుకు
ఓట్లు పడతాయని
నువ్వే చెప్పావా

అతడు కడిగిన
మడి కట్టిన
తెల్ల చీర కానీ కాదు

బొక్కలు పడిన
తెలుగు తల్లి
పైటి కోక

మలినమే
రాజకీయం
ఆ మట్టి
మన మట్టి
కరుడు కట్టి
కులం కోట కట్టి

రెడ్డో రావో అని
గుర్తు పెట్టుకునే
ఓటు మన్నే
కుళ్ళ గొట్టు

నాయకులు
నీకే అద్దాలు
సమాజ ఆలోచనల
ప్రతిధ్వనులు 

ఒకనాడు ఛాతి
చూపిన ఆంధ్రుడు
ఏడుస్తున్నాడు
నిజమో బొంకో అప్రస్తుతం

ఒకనాడు తెల్లదొరకు
ఛాతి చూపిన ఆంధ్రుడు
అమ్మావ్వని ధూషిస్తున్నాడు

మలినం రాసుకుని
లేఔట్లల్ల కటౌట్లు
కట్టుకుని ఓట్లలో
కుల బావన రుద్దితే

మిగిలేది ఇది
ఊరకుక్కల విస్తరి

బాబు ఏడ్చాడు
అది కన్నీరు కాదు
కరిగిన ఆంధ్ర దార్శనిక జల ఏమో

సమాధిలో  అయిష్టంగా
కదులుతున్నాడు
టంగుటూరి ప్రకాశం

నిఘంటువులు
వెతుకుతున్నాడు
కాటన్ దొర

మట్టి కాదో
మనుషులో
టెల్వక
గురజాడ నిజంగా
ఏడుస్తున్నారు
నిన్నే చూస్తున్నారు

కార్తీకం

పచ్చి ప్రేమ

..

పచ్చి ప్రేమకు

కచ్చితంగా

తెలీదు

 స్వేచ్ఛ గ

చనులు

దాచకుండా

ప్రియం చెయ్య కూడదని

కన్నుల రెప్పల పై

ముద్దుల వర్షం 

కురిపించే 

మమకారం

విశాల మైదానంలో

అర్థ రాత్రి

కార్తీక పూర్ణిమ వెల్తురులో

చెమటలు 

కలిసి

దివిసీమ

ఉప్పెనలా

మరువలేని

పెను తుఫాను

కలిసిన ఊపిరి

హోరు గాలి

రాత్రంతా

కురిసిన

గంధపువర్షం

నడుమొంపుల్లో

నయాగరా

జగనాఝఘన జలపాతాల్లో

నలిగిన

యూథికా నవమల్లిక 

నడు మొంపుల్లో

నీశ్వాశపు

మయికం

జల్లితే పచ్చి ప్రేమకు

కచ్చితంగా 

తెలీదు

పచ్చి ప్రేమ 

నేరమని

బడాయి

అంగడాయి

నువ్వు

తీసుకుంటే

గుండెల్లో

లడాయి

ముంగురులు

లహరాయి

గుంటా

నీకెంత

బడాయి

నెలవంకకు గ్రహణం పట్టింది

 పొడిచిన

నెలవంక కు

గ్రహణం

పట్టెనో

నాతో

కలవని

కన్నెరికం

నాకే

సొంతమా

అంకితమా

విరహ 

విషాద

మంటల్లో

తాపం 

కరగని

అరముహూర్తపు

వెన్నెల్లో

సాగరం

వెలగని

వెన్నెల్లో

తెరచాపకు

కుట్టు అల్లికలు

మన మనో

మల్లికల

విరహ

కవోష్ణ

సాన్ధ్ర

క్యుములోనింబస్

కోరికలు

నెలవంక కు

కొక్కెం వేసిన

వాంఛా

నిశ్రేణులు

కోమలి తో భీమిలి

ఇరుకు

సందుల్లో

సంద్రం 

చూసాను

ఉప్పుటేరు

భీమిలి

సంద్రం 

కలిసిన

ఉదృతి

చూసాను

వంశధార

పరవళ్లో

ఎంకి ఎద

తూరుపు

కనుమలలో

ఇది డిసెంబరు

సూర్యోదయమే

Submerged

చాలా రోజులకు

మెరిసిన కళ్ళు 

నేను కుశలం

అనుకున్నావే

కాదు

ప్రియతమా

అది విరహ

విచ్చేదిత 

ఆహ్లాదమే

దొరికీ దొరకని

కళ్ళ కాంతి

బింబాలు

నీ దూరపు

నిరీక్షణా

ద్వేషం లో

మునిగి

ప్రేమ

వాయువుల్లో

తేరిన

చివరి ప్రాణ

నిట్టూర్పులు

మాత్రమే

పది మార్కుల ప్రశ్న

ఆ రోజు

నీ ఆదృత

పెదాలను

ముద్దాడితే

తురాయి

మొక్కల

నీడలో

ఆ రోజు

నీ ఆశ్రిత

ఎదను

పోదివితే

గతపు

మల్లె పందిరి

కింద

ఈ రోజు

కురిసేదా

విరహం ?

ఎందుకు రాస్తారు మాస్టారు ?

జరగని

కలలకు

నిచ్చెన

మరో దినానికి

కవితల

వంతెన

మనసుకి

పొంతన

ఇరు మనసుల కు

స్వాంతన

అక్షర

లేపనం

తెలుగు పద

సన్నాహం

హెడ్స్ అండ్ టైల్స్

ద్వేషం

విరహ 

ద్వేషం

తురాయి

పంట లాగా

అరకు లోయ

ఒళ్లంతా

ఎర్రగా

పండిన

ద్వేషం

అటూ ఇటుగా

లీలగా 

నీ నేత్ర 

అజ గవ

వంపుల్లో

నేను 

ప్రతిబింబించని

కనులపయి

ద్వేషం

ఆటుగా

వచ్చిన

సాగరం

అభిమానం

పోటుగా

పోయినప్పుడు

ద్వేషం

బొమ్మ ప్రేమ

బొరుసు ద్వేషం

ఓంకారం

నిన్నటి

ప్రతిధ్వని 

భ్రాంతి 

రేపటి

మరీచిక

ఆశ

ప్రస్తుతం

అనాహిత నాద

శూన్యం

ఆచమనం

నీ కనుల రెప్పల పై ఆచమనం

నీ పెదవుల 

తడిలో ఆచమనం

నీ బుగ్గల మొగ్గల

తాంబూలం

నీ చన్నుల పొంకమునకు ఘాతోపచారం

ప్రియా భూః చుంబనం

ప్రియా భువః 

చుంబనం

ప్రియా సువః

చుంబనం

సఖీ మహః 

చుంబనం

సఖీ జనః 

చుంబనం

కమలే

తపః చుంబనం

కమలే

నాభీ చుంబనం

ప్రియా

తథ్సవితుర్వ రేణ్యం

ఇష్టా మందిరం

నోట్ : ప్రేయసిని ఎలా ఆరాధించాలి అని నేను రాస్తుంటే మన వాళ్ళు ఆల్రెడీ గాయత్రీ మంత్రం రాశారు. మన సంస్కృతిలోని భావం అనురాగం లలిత భావన అర్థం అవ్వాలి అంటే బాగా ప్రేమించాలి, ప్రేమతో ప్రార్థించాలి.

దీవెన

జడి జడి

వానల

అలికిడి

కనురెప్పల పై

చిన్ని చిన్ని

ముద్దుల

ఉక్కిరి

బిక్కిరి

వాడు 

టక్కరి

ఆమె

చక్కరి

పెంకుటింటి

చూరులో

ఇద్దరి

ఊపిరి

రాత్రంతా 

కురిసిన

తొలకరి

ఊరికి

వారిస్తారు

చంటి పాపాయిలు

తదుపరి

ఎండమావి

ఊపిరికి 

టైం

అడుగుతావు నువ్వు

ఊపిరి మొత్తం

పెదవుల్లో

పీల్చే

పిచ్చి

పచ్చి 

గుచ్చి

గుచ్చే

కంఠం పై

మచ్చ

ఇచ్చే

రచ్చ

నేను

తృప్తి కి ముందు

సమయం నీకు

తృప్తి వెనుక

త్రిశంకు స్వర్గం నాకు

మెలోడీ దగ్గర...

ఓ మై లేడీ

నీకోసం 

వెయిట్ చేస్తూ

తిన్నా పకోడీ

నీ వాడి

చూపుల్లో

పాగల్

ఖిలాడీ

హై హీల్స్లో

టక్కుమని

వగలాడీ

నీ కురచ

స్కర్టు తో

బిగాడీ

మళ్ళీ వస్తావా

మెలోడీ

గాజువాక పిల్లా...

కోరికల చిన్ని కోక

కట్టాక ఇందాక

బూరె బుగ్గల మందాక

పోతున్నావు ఎందాక ?

గిరజాలు గుంజాక

అసీల్ మెట్టలో

కుర్ర మూక 

కత్తిరిస్తా కపీ నీ తోక

మేము మెచ్చాకే

నీకు హొయలు

వచ్చాకే

నువ్వచ్చేది మా

కొంటె చూపుల చందాకే

నువ్వు నచ్చాకే

చిన్న కోక 

కట్టిందే నీకే 

ఎప్పుడు చెప్పిస్తావు మరి

ఇంట్లో ఓకే

అమ్మో నీ అయ్య సామ్యవాదం

లెనిన్ స్టాలిన్ తుపాకే

నీ అన్న ఇస్తాడు ఫ్యూనరల్ బొకే

నువ్వు రైటే

నేను 

శుద్ధ పోరం బోకే

కానీ

కోరికల కోక

కట్టాక ఇందాక

బూరె బుగ్గల మందాక మరి

పోతున్నావు ఎందాక ?

శ్రీశ్రీ గారి పిల్లలు...

పాపం పుణ్యం 

ప్రపంచ మార్గం

ఏమీ తెలియని

పెద్ద ల్లారా 

ముప్పది ఏళ్లకే

ముసులుల్లారా

గంట గంటకు 

గుంటలు తవ్వే

ఆఫీసు ల్లో 

స్టాకు మార్కెట్లో

డబ్బులు ఏరే

కాకుల్లారా

కొండ కోనల్లో 

ఇసుక తిన్నెల లో

అందం కాదు

భావం కాదు

నూనో ఆయిలు

బావో వెతికే

బాలుల్లారా

ఇలా తలమ్మున 

హేమమ్ పండే

పంట పొలాల్లో

లేఔటులు వేసిన

బాలల్లారా

ఘుర్మ జలానికి

ఖరీదు కట్టి

బడుద్దాయిలకు 

కటౌటు లు కట్టే

బిజీ బిజీగా

బిగ్ బజారులో

బార్గైన్ చేసే

బాసుల్లా రా

నేటి భారత 

పౌరుల్లారా

శ్రీశ్రీ గారి 

నాటి బాలల్లారా 

తుమ్మ చెట్టు నీడలో

నా కలల సౌధాన్ని

తుమ్మ చెట్టు తో కట్టాను

నా గొడ్డలి దెబ్బలకి

తుమ్మ చెట్టు 

ఇంకా కన్నీళ్లు పెడుతుంటే

తుమ్మ జిగురు

కదా ఇల్లు గట్టిపడుతుంది

బ్లాక్ హోల్

 

నల్ల కోక పిల్లా

నా చూపులన్నీ

కోక సందుల్లో

కాలపు 

స్నిగ్ధ జాలం

నీకు కాంతి 

వడ్డానమా

అంతర మాలీ

మనసు ఊసులన్ని

నీలో పడి

నిన్ను చుట్టే

హలో గ్రాఫిక్

హాకింగ్ సందిగ్ధమే


Sasi: See the similarity between the beautifully rendered black hole and the lady in draped in a black saree. 


English alter-version :

Moments drift to a

Frozen Horizon

As I wait for these times' end

Moments enter the Penrosian traps

I wait for this dark eternity to shine it's radiance Hawkish

Just for once

A trillion times

ఎవరయ్యా నువ్వు ?

ఉషా కిరణాలకు

విషాదాన్ని పూసిన

నిషాదుడెవరు

కాలపు రెక్కల్ని

మౌనపు ముక్కల్ని

నిశీధి చుక్కల్ని

గోడకు పులిమిన 

బాన్స్కీ వా

వాన్ గోవా

నువ్వెలాన్టి 

విధాతవో

కావాలోయ్ గూగుల్

 అకాసమ్మున హరివిల్లు పొడిచినా

ఇంటావిడ వల్లు విరిచిన

పక్కింటోడు మేకు కొట్టినా

కావాలి గూగుల్

చంటి గాడి

ముక్కు కారినా

ముక్కులో పలక పుల్ల

దూరినా కావాలి

గూగుల్

ఎదురింటి అమ్మాయ

నకిలీ నక్లేసు వేసిన

దానికి price తెలియకపోయినా

కావాలి గూగుల్

దొంగ సన్నాసుల

పాఠా లకు

బేబీ డాల్స్

పాటలకు 

కావాలి గూగుల్

 సుధాకర్ వంటలకు

అలి వేని కి

రాలే జుట్టుకు

కావాలి గూగుల్

 పెళ్లి రోజు

గ్రీటింగ్ కార్డుల ల్ల

రాసే చెత్త కవితలకు

పిల్ల మీద పిల్ల కనే

బేబీ షవర్ కు

కావాలి గూగుల్

తిండి కీ తిప్పకు

గొక్కునే పుల్లకూ

మందుకూ మాకుకో

ఇంటి నిండా 

చైనా బొమ్మలకు

కావాలి గూగుల్

పాటకి ఆటకూ

మాటకు 

చింపేసిన చేట కూ

మాడిపోయిన 

వంటకూ

కావాలి గూగుల్

కొడుక్కి మూడు 

నింషాలు

గుండు గోర స్వామి

ముప్పై ని మిషాల్

నీకు దారెందుకి

చెప్పాలి

గో మాత 

గూగుల్ 

తోక పట్టుకుని

పోరా 

ఉత్తి షికారు

దస్తూరి

 దస్తూరి 

ఉత్తరాల వాకిట్లో

అక్షరాల దస్తూరి

ఉదయపు కుంకుమ

మధ్యాహ్నం పసుపు

సాయం నీలంలో

ఉతికిన తెల్ల 

చొక్కా 

మరకలేని 

మనస్సు పై 

నువ్వు రాసిన

బాల్యపు కస్తూరి

స్వప్నాల

దస్తూరి

వదినియ్య్యా

 శైలుూ గారు

మీరు వదినియ్య గోరు

నిద్ర లేపారో

నోరు లైసెన్స్ లేని

బారు

మా అన్నయ్య

మీ శ్రీ వారు

ఎప్పుడు 

అయిపోతారు

మీ దెబ్బకు

పరారు

ప్రకాశము కు

బీరు

నాకు బొమ్ముడాల

చారు

ఇవి పెట్టండి

చాలు

నేను మూస్తాను

నోరు

ఇది ఖరారు

వదినమ్మ

గోరూ

కుక్క గారు

 *కుక్క గారు* 

మా ఊరి

బేపి

అందరికీ రాజు

అంట్ల సమయానికి

హాజ రి

మా ఊరి

బేపి

సర్పంచి కి

తక్కువ 

మోతుబరి కి

ఎక్కువ

మా ఊరి

బేపి

పెళ్లి ల్లో

ఇంటికి

చుట్టం

వీధికి రాజు

ఊరంతటికీ 

కిరీటి

మా ఊరి

బే పి

 పెళ్లి బండికి

బందోబస్తు

పిల్ల వాడికి

జెడ్ క్లాస్ 

బాడీ గార్డ్

మా వూరి

బే పు

 ఆశాడం లో

అవేసంగాను

ఎండా కాలం

బద్దకంగా నూ

కల్లం నీడలో

మా ఊరి

బే పి

ఊరి అనాధలకు

రాత్రి కంబళి

మిగిలిన

అన్నానికి

దత్తాత్రేయ 

రూపం

మా ఊరి

బే పు

అన్ని ఇళ్లలో

దగ్గరి చుట్టం

పేద వీధులకు

గూర్ఖా

వీధికి రాజు

ఊరంత టికీ 

కిరీటి

మా ఊరి

బెపీ

ఊరి పిల్లల

ఆటకు 

మా ఊరి

ఊర కుక్క

కాదు కక్కా దూ

ఆ కుక్కదే

ఈ వూరు

సీతమ్మ పోసేనే

ఈ తల్లి పురుడు

ఊరి తల్లుల

దయకు

చిహ్నమా

కుక్క

మా ఊరి

మానవత్వానికి

గుర్తు ఈ

కుక్క

Refraction

నా మది కిటికీలో

మంచు బిందువులు

నీ కనుల నిట్టూర్పులు

నీకు పొగ మంచంటావా

నాకు నీ  మనస్సులోకి

నక్షత్ర దర్పణాలు

తడి మొగ్గలకు పరధా

తమ్ములు మూసినా

కన్నులు ఆగునా

కన్నులు మూసినా

పరవశమే

నిశ్చయం

మనఃసమస్త మేరు

ఉచ్ఛలం శిఖర 

వర్త తూహీన మేఖలం

మనోబలం నిశ్చయం ....

అంతరం శాంతం

సాగరం నిశ్చలం

నిర్భరం

మానస సరోవరం

మూగమనసులు

కాంతి వలయాలా

కాలపు సుడిగుండా లా

ఇవి వాన్ గోహ్ చిత్రాలా 

తుఫాను కంటి వృత్తాలా 

జీవన రంగుల రాట్నం లో

కాలపు సుడిగుండాలా

శిథిలాలు

మనో శిధిలాల 

మట్టి రేణువులు

కాలపు

స్ఫటికాలు

టూ కీ గా

మనస్సు ప్రశ్న

గుండె జాబు

కాలం జవాబు

వరమిస్తే...

నిన్ను ప్రేమించే

మనసు

పుడితే

ఒక మనిషిగా

నువ్వు  ప్రేమిస్తావా

మనిషిగా

ఒక మనసుతో

నీవే కేంద్రమని

నీవే వృత్తమని

నీవే చిత్తమని 

నీదే మొత్తమని

నువ్వు ఓర్వగలవా

మనిషిగా మనసు గా

భూదేవి అంత
బలంగా నిలుస్తావో
అట్లాస్ లా
వంగి భరి స్తావో
శివునిలా ధరిస్తావో

తెలుగు

అ తో అమ్మ 

ఆ తో ఆవు

ఇ తో ఇల్లు

ఇది తెలుగుదనం

అమ్మలాంటి ఆవు

గోవులాంటి అమ్మ

అమ్మ ఆవు ప్రాణం పోస్తే

బిడ్డకు స్వర్గం

ఇదే తెలుగుదనం

మనం రాసినది

ఇదే తెలుగు పదం

ఈ తో ఈగ

ఉ తో ఉడుత

ఊ తో ఊయల

అన్నీ పిల్లల

సహజ పదం

చిన్నా పెద్దా

అందరి వద్దా

హాయిగా పెరి గెను

ఇదే తెలుగుదనం

మనం నేర్చిన

ఇదే తెలుగు పదం

ఎ తోనెలుక

ఏ తో ఏ నుగు

ఐ తో ఐరావతము

చిన్నదైన పెద్దది అయినా

అన్నిటి అర్థం 

ఇదేనొయ్ తెలుగు తనం

ఒ తో ఒంటే

ఓ తో ఓడ

ఔ తో ఔషధం

ఒంటెలు ఓడలు

ఓడలు ఒంటెలు

వెలుగు నీడలు

తెలుగు మృదు 

మనసుకు తెలుగు

ఔ తో ఔషధం

ఇదే తెలుగు భావము

అం తో అంతః పురంమ

మనంకట్టే 

మృదు మేఖల 

అంతరంగ స్వర్గం
తెలుగు పదం
తెలుగు జనం

Sasi: భాషల్లో మొదటి అక్షరాల్లో అతి లోతైన భావజాలాన్ని మొదటి పాఠం లో కలుపుకున్న భాష తెలుగు.

సిస్టర్

కళ్లు ముంజులు

జుట్టు తాటి పీచు

గొంతు మహా పేచీ

ఎవ్వర్రీ షార్ట్ సర్క్యూట్

Eveready బ్యాటరీ

నా రిమోట్

TV Remote 

ఇది నా రిమోట్

ఇలాంటి రిమోట్లు

చాలా ఉంటాయి

కానీ ఇది నా రిమోట్

నేను నా రిమోట్ 

ఒక యూనిట్

నేనే రిమోట్

రిమోట్ నేను

వరదలు వచ్చినా

పిడుగులు పడినా

రిమోట్ నాదగ్గర 

రిమోట్ దగ్గర నేను

ఇది నా రిమోట్

ఛానెల్ మర్చేస్విచ్

నాకు ప్రాణం

సెకండ్ కి ఒక సారి

ఛానెల్ మారిస్తే

రిమోట్ కి ఇష్టం

లేకపోతే బటన్

పాడై పోతుంది

నా రిమోట్ 

మోనోగాముస్

కేవలము నాది

ఎవరి కీ దొరకదు

నేను లేక పోతే

సోఫా సందుల్లో

తలుపు మూలల్లో

దాక్కుని 

నాకోసం ఎదురు

కాస్తుంది

ఇదినా రిమోట్

ఏ చినా దేశంలో

పుట్టిన

పుట్టింది

నాకోసం

ఇది నా రిమోట్

ఆశ్లేషనక్షత్రము లో నేను

మృగశిరా లో

నా రిమోట్

అన్ని శుభ లక్షణాలే

ఇది నా రిమో టు

నాకు pacemaker

ఇది దాకుంటే

నాకు పెరుగును

బీ పీ

పగలొచ్చు

పెళ్ళాం పిల్లల వీపీ

ఇది నా రిమోట్ 

రోజంతా న్యూస్

ఆరో గంట 

ఏ డో గంట

న్యూస్ గుంట

ముసిలయి పోయినా

అదే అదే న్యూస్

గాని ఇది నా రిమోట్

నా రిమోట్

దీనిని

సృష్టించిన

వెధవకి

నా జోహార్లు

మాట వినని

పె ళ్ళా ల్లకు

ఇది సబ్స్టిట్యూట్

నా రిమోట్

నా రిమోట్

మధ్యలో

ప్రకృతి 

పిలిచినా

నాతో

 బాత్రూమ్ తోడు

 వచ్చే

రిమోట్

మా సుపుత్రుడు

మాట వినలేదా

ఛానెల్ మర్చేస్తే

మర్చిపోయాను

ఇది నా రిమోట్

గుండెకు డైరెక్ట్ లైటు

నా రిమోట్

ఎమ్మెల్యే

ఎమ్మెల్యే మీరేగా

నాకు బాపు

నీ బాపు

ఏ లాడు గా

అనాదిగా

మా వీపు

మాకేమో

దుమ్ము రోడ్డు

నీకేమో 

సుమో జీపు

నువ్వెక్కిన ఆడీకున్న

సున్నాలు

మా నెల కూలీ

నీ కూలింగ్ గ్లాసులు కి 

పడలేదే దుమ్ము

ఎందుకురా నీకు

లేదు ముందుకొచ్చే 

దమ్ము

ఎమ్మెల్యే నువ్వేమా

మా బాపు

లేప కుండా 

ఉంటామా

నీ టాపు

నీ సెకండ్ గారి

తిండి ఖర్చులే

మా వీధి బోరింగుకి

రావచ్చులే

 నీ కూతురికి

ఇంగ్లాండు

బొచ్చు కుక్కలు

మా వీధి రోడ్డంతా

మస్తు బొక్కలు

మా సాయంత్రపు

విమానం ముగ్గు

అంత కూడా లేదు

నీకు సిగ్గు

కులం పేరుతో

అడుక్కునే నీకు

కనిపించదు లే

అబ్దుల్ కలాం

చూపు

గుడిలోని నీకు

ఉందిగా సెపరేట్ లైను

కొండమీ దే

తాగుతావు

ఇటాలియన్ వైను

నీకోతురు బీజేపీ

నువ్వేమో టీ డీ పీ

ఫస్ట్ వైఫు వై ఆర్ పీ

కులం పేరుతో

పెంచుంతావు

అందరికీ హై బీపీ

ఎమ్మెల్యే నువ్వేరా

నాకు బాపు

మావూరి కుక్క కు

పుట్టిందో బేపు

లవ్ యూ

మల్లెల లోగి డి

వెన్నెల అలజడి

కవితల వరవడి

లేచా పడి పడి

ఇద్దరు

తడపడి

ముద్దు లే

తదుపరి

అవ్వకు

పొదుపరి

నా మనసుకు 

తొలకరి

ఐ హేట్ యూ..

రంగుల లోకం లో

నువ్వు ఒలిపిన సిరా

ఎండిన కన్నీటి అంతర్వేది

మంచు బాకు

కాలమా కలల కౌగిలిలో

విసిరావు మంచు బాకు

శోకం నాకు

సైలెన్స్ నీకు

*మంచు బాకుతో పొడిస్తే ఆనవాలు ఉండవు. సైలెంట్ గా ఇచ్చే జవాబు అలాంటిది కదా..

ఎవర్తివే

నా గుండెల అలజడి వో

జడివానల లోగిడి వో

కొప్పున కొండమల్లి మొగ్గవో

చౌదవీ చందమామ వో

వరమో వర్ణన నేర్పే సరస్వతి వో

ఎవరే నీవు

చెల్లి

మా చెల్లి కథ చెపితే

ఋతపవనాలు

మా చెల్లి తిండి తింటే

శెనగ నాట్లు

మా చెల్లి వంటింట్లో

దూరితే ఖరీఫ్ 

మా చెల్లి వాకింగ్ చేస్తే

జురాసిక్ పార్క్ 

మా చెల్లి నూడుల్స్ వండితే

వంటింట్లో వుహాన్

మా చెల్లి ముక్తసరిగా

దూరదర్శన్ లో

స్పీల్ బర్గు

కోవిడి వసంతం

వసంతమా ఏమిటి నీ వేళాకోళం

నన్ను ఇంట్లో  బంధించి

నువ్వు కొమ్మల్లో ఊరీగుతావ

నేటి బుడగలు

ఏమిటా బుడగలు ?

అరబిక్కడల్లో నీ

గుండెకు లంగరు వేసి

కన్నీటి సంద్రపు

లోతుల్లో చేరేటప్పుడు

నా గుండె చేసిన చప్పుడు

ఇది గుండెల బుడగల చప్పుడు

వెలుగు నీడలు

నా నయన బాణాలు

నీ కన్నుల్లో చేరలేని 

నిమిషము

చీకటి

నీ కంఠ పుట్టు మచ్చ

నీ ఆధర సువాసన

వెచ్చని మాఘ మాసపు కౌగిలి

వెలుతురు

రాగం

నీ గుండె లబ్ అంటే 

నా గుండె డబ్

అంటుంది

ఇదీ ఆదితాళం

అల్లుకుపోయిన

ఈ గుండెలయల్లో

ప్రవహించే అనురాగ 

అంతర్వేది

మన హిందోళం

*

Let me lace my heart with yours

Every beat to be skipped with my beat

Two rhythms one rhyme

Let me lace my heart

పెద్ద పండుగ

పండిన చేలూ

కళ్ళాపి చల్లిన ముగ్గులు

మృగశిర మాసంలో

భళ్ళున లేచే సూర్యుడు

సూరిడి కుంకుమ బొట్టు

వాకిలిలో గింజలు ఆరగిస్తున పిచ్చుక

పొగ మంచులో పేపర్ అబ్బాయ్

పాలు నింపుకెలుతున్న పాపాయి

గబగబా పేపర్ చదివే తాతగారు

పండుగ వాకిళ్ళు

ఒసే శైలమ్మా

(మా వదిన గారి కోసం, ప్రత్యేకం)

తట్టి కోట వంశం లో

పుట్టావే తల్లీ

ఓ ఓ ఓ ఓ

ఒసే శైలమ్మా

మణి పాత్రుని

వంశం లో మెట్టావే

తల్లి

ఓ ఓ ఓ ఓ

ఒసే శైలమ్మా

షావుకారూ

బిల్లల 

షావుకారూ

వెనకాలే

తిరిగావే

తల్లీ

ఓ ఓ ఓ ఓ

ఒసే శైలమ్మా

ఉడుకున్న

కూతురుకోసం

పాత డ్రెస్సు

వేశావే

తల్లీ

ఓ ఓ ఓ ఓ

ఒసే శైలమ్మా

పిసినారి

పిసినారి

సావుకారు

ఓళాలో

తి ప్పా డే

తల్లీ

ఓ ఓ ఓ ఓ

ఒసే శైలమ్మా

పరుగు

పరుగు

వంటలోన

కూరగాయ

ఖైమ

కొట్టేవే 

తల్లీ

ఓ ఓ ఓ ఓ

ఒసే శైలమ్మా

నరిశీ పట్నం

విశాఖపట్నం

సింగపూరు

చందానగర్

ఆడంబాక్కం

తిరిగావే

తల్లీ

ఎండల్లో

వానల్లో

ఎండల్లో

వానల్లో

స్కూటీలో

తిరిగావే

తల్లీ

ఓ ఓ ఓ ఓ

ఒసే శైలమ్మా

తట్టి కోట వంశం లో

పుట్టావే తల్లీ

ఓ ఓ ఓ ఓ

ఒసే శైలమ్మా

మణి పాత్రుని

వంశం లో మెట్టావే

తల్లి

ఓ ఓ ఓ ఓ

ఒసే శైలమ్మా

ఆట

వేట 

జీవిత వేట

ఆటగాళ్లు

వేటగాళ్లు

కళ్ళన్నీ

రంగురాల్లు

పుట్టాకే

మొదలయ్యింది

వేట

కడుపంతా

నొప్పయితే

రోజంతా

వేతనలో

పుట్టి పుట్టి 

చచ్చానే

వేట

అడవిలో

వేట

పాలమ్మే

పాలేరుల

సైకిలు పై

పారిపోయిన

వేట

వేట

అడవిలో

వేట

పూల 

మొక్కల్లో

దాక్కుంటే

పాములన్నీ

తాకున్నా

ఇది వేట

పొమ్మని 

రమ్మంటే

వేట

నియాన్

లైట్

నీడల్లో

ఎఱ్ఱని

రంగుల

వేట

రాత్రంతా

నీరులేక

రోజంతా

ఉండలేక

ఒక్కసారిగా

తల్లి అన్న

తండ్రి పోయిన

వియోగ

విరహ వ్యధ

అడవిలో

వేట

సాయం కాలపు

సాయంచేయని

ఎర్రని 

గోధూళి

పొగమారిన

ఆటల్లో

వ్యధ

అడవిలో

వేట

ఆట

అడవిలో

ఆట

వందలున్న

గుంపులో

వంటరి

ఆట

ఆట

అడవిలో

ఆట

సాయంత్రపు

పక్షులు

కూడా

చేరేనే

కాలానికి

దారములేని

ఈ తోరణాల

దొంగాట

సంకురాత్రి

నీవిచ్చే

కౌగిల్లో

నాకు

భోగి

వేడుకలు

కళ్ళల్లో

నువ్వు 

వెలిగించావీ

బాణాసంచా

మళ్ళీ మళ్ళీ

లోగిల్లో

వచ్చే సంబరాలు

నీకైచేసే 

సంక్రాంతులు

రాద్దాంతం

నిన్ను చూస్తే

గుండెల్లో

ర త త తా

ర త త తా

నే నున్న

గెట్టోలో

రోజంతా

ర త త తా

ర త త తా

కళ్లలో

నువ్వద్దిన

రంగుల

రెయిన్బో

ర త త తా

ర త త తా

పాతబస్తీ

గ్యాంగులన్ని

బ్యాంగ్ చేసే

ర త త తా

ర త త తా

నేనుండే 

దారుల్లో

ర త త తా

ర త త తా

నీ అందెల

సవ్వడి

వింటే

మనసంతా

ర త త తా

ర త త తా

అ అంటే

అమ్మ

మొదటి 

పదం

మొదటిశ్వాస

మొదటి

ఒడి

అమ్మే

మొదటి

మిత్రువు

మొదటి

వేదము

మొదటి

గురువు

అమ్మతోనే

మొదటి

యుద్ధం

మొదటి

అలక

మొదటి

స్నేహం

అమ్మే

చివరి

పదం

ఈ రెంటి

మధ్యజరిగే

నాటకమే

సృష్టి

వాకిలి

ఈ కొమ్మకు

పుట్టిన

పువ్వులనడుగు

పువ్వులు

సోకిన

గువ్వలనడుగు

నువ్వస్తే

వసంతమేలే

మనసంతా

మొగ్గలు

 ఎప్పుడెప్పుడు

తప్పెను

గుండెల 

చప్పుడు

ఎప్పుడెప్పుడు

పూసెను

పూవులు

గుప్పుడు

అమృత

సరసిజ వదనా
నీ సొగసు
నీ వైరి కాంతి
లోనే కదా

తథాగథా

ప్రేమ
వియోగం
ప్రేమ
విరహం
ప్రేమ
విరహవియోగ
దగ్ధ స్నిగ్ధ
జ్వాలా
దహన
నౌక

ప్రేమే
ఒంటరి
ప్రేమే
గుండె
దారపు
ఉండల
చరఖా
కాలపు
మగ్గం పై
మనిషి
అల్లే
దుప్పటి
కానీ
దారానికి
రెండు
కొనలు
కొనల్లో
మనస్సులు
మనస్సులు
దారపుండలు
కదా
అయిపోతాయి

ప్రేమే
వీరహవియోగ
మూలం
కన్న ప్రేమ
వియోగాంతం
అనురాగ
ప్రేమ
యవ్వనాంతం
స్నేహ ప్రేమ
కాలాంతం

ప్రేమ నౌకకు
తీరాలు
ఏకాంతపు
నీడలు
ప్రేమేగా
చేరేది
ఎటుపోయినా
దుఃఖపు
రేవుల్లో

ప్రేమే
వియోగం
ప్రేమే
విరహం
ప్రేమేగా
దుఃఖ
రేవుకు
తెరలెత్తిన
చుక్కాని
లేని
తెరచాపల
నౌకా

కోరిక
ప్రేమ
వియోగం
దుఃఖం
అవునా
గౌతమా

అవునా
గౌతమా
సెగలెత్తే
సుగంధపు
వాంఛల్లో
సెగలెత్తే
ఆశయాల
దగ్ధ
కాలాగ్నికి
నువ్వు
గీసిన
క్రీనీడల
జగన్నాటకం

ర త త తా

నే నున్న
గెట్టోలో
రోజంతా
ర త త తా
ర త త తా

* ఇది తుపాకి శబ్దం. ర త త తా : https://www.youtube.com/watch?v=u9uDcpJinYM

పరిభ్రమ

పసిపిల్ల
తల్లిని
వెతికెనె
హంస
మేఘావృత
చంద్రుని
వెతికెనె
భాగ్య శ్రీరాగ
అనురాగవల్లిని
వెతికా

రాగ భాగ్యశ్రీ

తరగని రాత్రుల ఈ వెన్నెలలో
వెతికే మనసు నీ కన్నులను
తలచే నీ కురుల వన్నెలలీ
తరగని రాత్రుల వెన్నెలలు

*భాగ్యశ్రీ రాగానికి శిల్ప ప్రయత్నంhttps://www.youtube.com/watch?v=MHMt-60BZWo

జేజే

మంత్రికి జేజే
డబ్బులు నొక్కే
రాజుకు జేజే
చదువులు అమ్మే
బడులకు జేజే
దెవున్నమ్మే
స్వాములకు జేజే
పొట్టలు కొట్టే
రక్షకభటులకు జేజే
కమ్మని భరత బిడ్డను
మోసం చేసే
సంస్కారులకు జేజే

వడ్డన

కమ్మని రాత్రుల
నేస్తం మనది
మామిడి తోపులో
సఖ్యం మనది

ఆడుకున్న ఆటల్లో
పంచుకున్న బంధాలు
బంధాలను అనుబంధించిన
నేస్తం మనది

నువ్వు రాసిన
లేఖల్లో దాచుకున్న
పాటల్లో ఆటల్లో
ఊహలు మనవి

మోట బావిలో శ్రీధర్ అన్న
సెలవుల్లో మిత్రుడి మరణం
రాత్రంతా మనం చేసిన ప్రార్థన
ఓదార్చిన భుజం మనది

పండిన జీడిపళ్ల సాక్షిగా
దొంగేసిన తాటి కల్లు సాక్షిగా
అల్లరి చేసిన
మూకలు మనవి

అర్థరాత్రిలో పంచుకున్న
మజ్జికన్నం
అందులో కలసి
వడ్డించిన బాల్యం మనది

* బాల్యమిత్రుడు సహ్రుదయుడు అటల వెలది సుధాకరు కోసం

చిలకమ్మా

చిట్టి చిట్టి
కూలీలూ
మోడీ
కొట్టాడా
డబ్బులు
మార్చాడా
బ్యాంకులో
పెట్టావా
వాళ్ళు
గుట్టుకు
మింగారా?

నీవేగా

నీవేగా
ఈ తలపులు
నీవేనా
ఈ వలపులు
నీవేనా

ప్రియా . . . .

నీ గంధపు
తలుపులు
తీసేనా
నాకూ
నీవేనా

ప్రియా . . . .

నీ స్వాశేనా
ఈ వేణుకి
ప్రాణం
పోసేవా

ప్రియా . . .

ఊహలో
ప్రాణ శ్వాసల్లో
కనుసన్నుల
ధారుల్లో

ప్రియా . . .

నీవేనా
ఈ తలపులు
నీవేనా

ప్రియా . . .

ఈ మనసుల
తలపుల
తలుపులు
తీసేవా
నాకై తీసేవా

చెలీ ... ...

నీవేలే
చిక్కటి
రాత్రుల
అలవేణి
నీవేలే

సఖీ . . . .

కాలపు
కౌగిలి
చల్లని
లోగిలి
నీవేలే

సఖీ . . . . 


నీవేగా
ఈ తలపులు
నీవేనా
నీవేనా

ప్రియా .. . .

మైథిలి

కాలమనే
పొలంలో
హలం
పట్టితే
పుట్టిన
హేమవల్లి
మా చెల్లి
మాకు జానకి
చెకుముకి
బులికి
ముద్దులొలుకె
మా చిట్టి తల్లి
చెల్లి

విజన్ 2020

ఎగిరే కార్లూ
స్వర్ణపురాష్ట్రమూ
బస్సుడిపోల్లో
విమానాలు
పోపుడబ్బాలో
ఉచిత మసాలాలు
పైసాకే రైసూ
విజన్ 2020


ఎన్టీఆరూ
బాబుగారూ
కోట్లగారు
యువజన
శ్రామిక తండ్రి గారు
మీరమ్మె 2020 కలల్లో
మెమెందుకులేమే

మీ అన్నదమ్ముడు
వాడి ముగ్గురి
కళత్రయాలు
వారి అన్నదమ్ముల
ఫార్మ్ హౌస్లూ
ఇన్నోవాలు
మీ విజన్ 2020

మీరు మీ
గృహ లక్ష్మిలు
మీ బావమరిది
మూడో కొడుకు
అంతెందుకు
మీ జూలు కుక్కలూ
వీరికే
విజన్ 2020

కూలీలకు
వారుణివాహిని
పిల్లలకు
పప్పుబెల్లాలు
పెళ్లాలకి
పసుపుకుంకుమలు
ఇంటింటా
అక్షరవిజయం
విజన్ 2020

2020 వచ్చిందే
ఎక్కడున్నావయ్యా
తెలుగుంటి
నాయకరత్నా

ముగ్గురుండే
మంత్రి ఇంటిలో
పదునాలుగు
శయన గదులు
మంత్రి గారి
బాత్ టబ్బుకీ
బులెట్ ప్రూఫ్ కాస్టింగ్
సంస్కృతాంద్ర
ఆంగ్లమెరుగని
తమిళ రత్నకు
హెలీ కాఫ్టర్
విజన్ 2020


నా ఆప్తుడు
కష్టజీవి
అతనికి
సచివాలయం
మైకా సంచే

నా తల్లి
తెలుగు తల్లి
పొట్ట రెండుగా
చీల్చినా ఉన్న
ఒకే కోకతో
గతమనే
రైలుబండి
బతుకనే
ప్లాట్ఫారం
పక్కన
నల్లాలో
చేస్తుంది
మళ్ళా
మంగళ
స్నానం

2020 వచ్చిందే
ఎక్కడున్నావయ్యా
తెలుగుంటి
నాయకరత్నా

మరుపు

వేకువ ఝామునే
వెతికినా దొరకలేదు
జ్ఞాపకాల దొంతరలో
దాచుకున్న నీ పేజీ

వర్ణాలు

కాటుక
కళ్ళు
కావేరీ
కురులు
కటిక
రేలు
నలుపు

నవ్వులు
జాజి
పువ్వులు
సరస్వతీ
కోక
శరత్చంద్ర
మైదానాలు
తెలుపు

సాయంత్రపు
గోధూళి
వత్తిన
చెలి
ఆధరాలు
ఎదపై
కోరి పెట్టిన
వలపు
చిహ్నాలు
తెనుగింటి
ఆడపడుచు
నుదుటి
బొట్టు
ఎరుపు

మా ఇంటి
గుమ్మం
మా వదినమ్మ
చిరుదరహాసపు
వదనం
వాకిట్లో
ఉదయ
కిరణం
బాగాముగ్గిన
మామిడి
పసుపు

తలలో
దోపిన
పెరటి
మొరం
పచ్చని
కంచి పట్టు
వోణి
పండుగనాటి
అరటాకు
కోకిల్లమ్మ
తినే మావి
చివుళ్ళు
ఉడుక్కున్న
చెల్లి మొహం
పసివాడి
కళ్ళ మధ్యలో
ఆకు పచ్చ

కాలపు ద్వీపాలు

కాలపు
ద్వీపాలు

మిణుగురుల్లా
మనుషులు

ద్వీపాల మధ్య
తెరచాపల

ఓడల్లో
నీడల్లా

సాగే మనసుల
చుక్కాని

అప్పుడప్పుడూ
వేసిన లంగరు

సుడిగుండాలను
దాటే మనసులు

కాలపు
ద్వీపాలు

ఆగి ఆగి
వీచే గాలి

అంతంతగా
మేఘావృత

ఆకాశంలో
వాన్ గో (van Gogh)
చిత్రంలా

కాంతి
సుడిగుండాలను
తిప్పే

కాలపు
ద్వీపాలు

శోకం

నీ కోసం
నా శోకం

నీ క్లేశం
నను
తాకినప్పుడు

కర్కోట శీతల
గ్రహంపై
పెళ్లుబికిన
మంచు శకలంలా

నా విషాధం
శని గ్రహాన్ని*
తాకితే

ఈ ఏడాది
ధృవ నక్షత్రాన్ని
పట్టుకు తిరిగే

ధరిత్రికంతా
నా శోకం
ఆక్సిల్

మీ కోసం
పాలపుంత
నక్షత్రాలన్నింటికి

ఒక్కో శోకపు
చుక్కా
నే నేడిస్తే

ఆ చుక్కల
నా కన్నీటి
చుక్కల

అణువు లన్నింటికి
పేలిందా
ఒక్కో సూపెర్నోవా

ఆ పగిలే
మరి
మిగిలే

ధూళిరేణువు
నెభ్యులా లన్నింటికి
చెప్పాలి

నేనూ
వస్తున్నాను
పాతాలపు

అగ్ని నదులలో
ప్లూటో యమ
గ్రహాల్లో

మనిషి ఊహలు
కయిపర్ బెల్ట్
చేరే లోపే

నిను
వెతికి
హత్తున

చేరే
కాలం
ఏమాత్రం

ఇంతే కదా
కాలపు
దూరాలు

నైలు నదీ
యాత్రికులా
టైగరిస్ఒడ్డున

చెంఘీజ్ ఖాన్
అశ్వాలా
అతి పూర్వపు
హిమకరులా

అంతరించిన
ర్రాక్షస బల్లులా
తోక చుక్కలా

ఇన్నే కాని
రోజులలోనే
వస్తున్నాను

ఇంతే కదా
కాలపు
దూరాలు

నివ్వు లేని
ఫెమ్టో సెకన్లలో ***
పీకో సెకన్లు ***

నానో సెకన్లు ***
కోటాను కోట్ల
తూటాల్లా

నను పొడిస్తే
విడిచే
నిట్టూర్పుల్లో

కాలం సాగిపోతే
బ్రహ్మాండానికి
విస్ఫోటపు (inflatory)
కాలానికి

శూన్యంలో
జనించే
మెటీరియల్
చిహ్నంగా

వికల్పానికి
సంకల్పానికి
సమీధి నవనీ

ఇంతే కదా
కాలపు
దూరాలు

నీకై బరువు
నిండిన
గుండె

రోదసిని
పంక్చర్
చేస్తే

సూపర్నోవాలా
రోదసీ కాలాన్ని
వంచేస్తే

వెనుకల
మళ్ళీ మళ్ళీ
నీ ఊహల

ప్రతిబింబాల్లో
కాలయాత్ర (time travel)
చేస్తున్నా

కాలపు
దూరపు
తేమలకై

సంకల్ప
యాత్ర
చేస్తున్నా

ఇంతే కదా
కాలపు
దూరాలు

(పితృ దేవత కాలం చేసి సంవత్సరం.
కాలాన్ని అర్థం చేసుకోవాలి అంటే
భౌతిక శాస్త్రం చదవాలి.

ఈ కవిత నిండా ఉన్నది అదే.

అతి భయానక మంచు గ్రహం Enceladus
దాని శీతల గీజార్లో వచ్చే పొగలు
దగ్గర్లో సాటర్న్ ను తాకుతాయి.
భద్ధలయ్యే హృదయాన్ని దానితో పోల్చాలి.

ఏడాది అయిన ఆయన చుట్టూ తిరిగే హృదయాన్ని
ధృవతారతో పోల్చక తప్పదు.

కయిపర్ బెల్ట్ చేరటానికి satellite కి పట్టేది 70 ఏళ్ళు. కాంతికి పట్టేది కొన్ని రోజులు.

తరువాత ఉపమానం ఇంకా క్లిష్టం.
బ్లాక్ హోల్ చుట్టు అనేకానేక బింబాలు
ఏర్పడతాయి. అవి కాంతిని వంచితే
ఏర్పాడిన బింబాలు అన్నమాట.

వెనకలి రోజుల్ని చూసే మార్గం అది.
కానీ ఇక్కడ బ్లాక్ హోల్ భారమయిన
గుండె అన్న మాట.

నానో, ఫెమ్టో సెకన్లు అతి చిన్న సమయాలు.
అలాగే సృష్టిలోజరిగిన కాలం అతి పెద్ద కాలం.
కానీ వాటిని పోలిస్తే మనం మళ్ళీ కలిసే కాలం ఏ
మాత్రం.

తప్పలేదు వివరం రాయక. మన్నించాలి సహృదయంతో.)

టైం ట్రావెల్

ఇంతే కదా
కాలపు
దూరాలు

నివ్వు లేని
ఫెమ్టో సెకన్లలో
పీకో సెకన్లు

నానో సెకన్లు
కోటాను కోట్ల
తూటాల్లా

పొడిచే
విడిచే
నిట్టిర్పుల్లో

కాలం సాగిపోతే
బ్రహ్మాండానికి
కాలానికి

వికల్పానికి
సంకల్పానికి
సమీది నవనీ

ఇంతే కదా
కాలపు
దూరాలు

నీకై బరువు
నిండిన
గుండె

సూపర్నోవాలా
రోదసీ కాలాన్ని
వంచేస్తే

వెనుకల
మళ్ళీ మళ్ళీ
నీ ఊహల

ప్రతిబింబాల్లో
కాలయాత్ర
చేస్తున్నా

కాలపు
దూరపు
తేమలకై

సంకల్ప
యాత్ర
చేస్తున్నా

ఇంతే కదా
కాలపు
దూరాలు

ఊర్మిళ

విరిగే కెరటంలా
తుళ్ళిపడ్డ
నావలా
ఎగిరిపోయే
హంసలా

కొండల్లో
ఓడల్లో
నీ అలివేణీ*
నీలి జడల
నీడల్లో

గుప్పుమన్న
గుండెల్లో
ఎదలో
ఉప్పొంగిన
ఊపిరిలో

ఎప్పుడయినా
చప్పుడయిన
గుప్పెడయిన
గుండెల్లో

ముద్దుకారే
వంపుల్లో
శ్వేతమయిన
కంఠంలో
వంశధారా
ఎదలో
అరబిక్కడలి
పసిఫిక్కుల
దూరంలో

ఆధర
మధుర
ధారల్లో
దారుల్లో
గోదారుల్లో
ఓదార్పుల్లో
రూపుల్లో
కనుపాపల్లో
నిదురించెనా
ఊర్మిళా

* Curly

లక్ష్మీ జననం

పడమటింట పుట్టావా
ఓ చంద్రవంక
నీవంకల్లో
పుట్టెనే
నీరజాక్షి
కంటివంక
చీనీ కనులలో
కటిక కాటుకలు
పోసేవే
పడమటింట
కస్తూరి
పూసేవే
కమలాల్లో
మల్లెల్లో
క్షీరాబ్ది
కన్యకకు
ధవళ వస్త్రధరివై
తళుకులాడే
వరమై
పడమటింట
పుట్టావా
పద్మంలోపుట్టావా
పదంలోపుట్టావా

(క్షీర సాగర మధనం లో పుట్టిన లక్ష్మీ దేవికి)

సినిమా పాట

(ఇది మన తెలుగు
హీరో ఎంట్రీ ఇచ్చే సాంగ్

సినిమా: పోటుగాడు
మొదటి సాంగ్
హీరో: పాత హీరో మనవడి బామ్మర్ది)

అంచులు దాటే
ఊహల్లోకి

ఊహలు దాటే
హద్దుల్లోకి

హద్దులు దాటే
ముద్దుల్లోకి

చెలియా వస్తావా

ముద్దులు దాటే
ఊహల్లోకి

ఊహలు దాటే
లోకంలోకి

చెలియా వస్తావా

లోకం ఎరుగని
ద్వీపంలోకి

ద్వీపం దాటే
హద్దుల్లోకి

చెలియా వస్తావా

వస్తే వాట్సాప్
చేస్తే

లిప్స్ చేసే
గ్రిప్ కోసం

గ్రిప్ చేసే
లిప్స్ కోసం

చెలియా వస్తావా

చూస్తే గిస్తే
వలపులు
ఇస్తే

పెప్సీ ఇస్తే
పాపకి
నస్తే

చెలియా వస్తావా

ముద్దుల బస్తీ
కసికసిగా
కుస్తీ చేస్తే

చెలియా వస్తావా

ఔనే గలీజు
రాజుని

ఔనే గరీబు
మజ్నుని

కానీ
చెలియా వస్తావా

కాదే ఎగిసిన
కెరటం

కాదే విరిచిన
స్వప్నం

చెలియా వస్తావా

ఔనే వీర
జవానుని

కానీ మిల్కీ

మిత్రుడుని

చెలియా వస్తావా

కానీ ఏడు
అడుగుల
సాథీ

ఔనే నీ
స్వప్నపు
సేతువు

చెలియా వస్తావా

ఔనే అజాత
శత్రువు

ఇవ్వాలీ
మరి
ఇవ్వాలి

ముద్దుల
గుమ్మా
ఇవ్వాలి

చెలియా వస్తావా

మనసులు
దాటే

స్వప్నములన్నీ
ఇవ్వాలి

చెలియా వస్తావా

లజ్జ

నల్దిక్కుల లోకంలో
దిక్కులేని
పుట్టినరోజు
పుట్టినిల్లు
తెలియని
బాటసారి

ఆవు దూడయిన
పెంకుటింట నిదరిస్తే
తలపై నీలితెరతోనే
సేద తీరును
బాటసారి

ఇనుప గజ్జెల తల్లి
దీవిస్తే కటిక
పేదరికమున
ఇనుప సామాను
వేరెను బాటసారి

రంగుల అద్దాల
రహదారిలో
తన రూపమే చూసెను
ఏకాంతపు బాటసారి

పొగ మంచు
ఊరిని కమ్మితే
మంచు తెరనే
దుప్పటిగా కప్పెను
బాటసారి

జన్మదినం తెలియని
ఇతనికి జండా పండుగే
రంగుల రోజు
జన్మ నక్షత్రం తెలియని
ఇతనికి ధ్రువ నక్షత్రం
జన్మ నక్షత్రం

ఇతను అంతర్దాన
మహిమా పాత్రుడు
ఇతని గురించే
రోజు వాదించే
నాయకుడికి
బీచ్ రోడ్డులో
ఇతను మాత్రం
కనపడడు

ఇతను దేశం కోసం
చేసే పస్తులు వ్రతాల
ఫలితమేమో మనం
చంద్రుణ్ణి చేరిందే

ఇతని ఇల్లు
నీలితెర
ఇతని బంధువు
ఊరి కుక్క

ఇతను గాంధేయవాధి
ఇతని గుమ్మం
కాకులు వాలే
గాంధీ బొమ్మ

బొమ్మకిందే
గాంధీ వాక్కుల
సాక్షిగా
ఇతని ఆకలి
మనకు సిగ్గు

గీతాంజలి

ఆజాదీ
ఆజాదీ

ఉక్కు నరాలకు
ఆజాదీ

ఎండే పొలాలకు
ఆజాదీ

ఘర్మ జలానికి
ఆజాదీ

తోసే రిక్షాకు
ఆజాదీ

వేలాడే బాలలకు
ఆజాదీ

పొగగొట్టాల్లో కాలే గాలికి
ఆజాదీ

తరిగే గుండెలకు
ఆజాదీ

కోచింగ్ క్లాసులో
నలిగే పసితనానికి
ఆజాదీ

సిగ్గుల గువ్వలకు
నవ్వే
ఆజాదీ

నల్లని భుర్ఖా
తీసి పారేసే
ఆజాదీ

నల్లని భుర్ఖా
నచ్చితే కట్టే
ఆజాదీ

గగన భవంతుల కింద
రోడ్ల పక్కన
పస్తుల నుంచీ
ఆజాదీ

నోటులు మార్చే
నీతులు చెప్పే
దొంగల నుండీ
ఆజాదీ

ఆచారాలు అపచారాలు
శృంఖలాలలో
హృదయాల నుండీ
ఆజాదీ

సంకెళ్లు వీడే
మనసుని ముందుకు
లాగే స్వేచ్ఛ కోసం
ఆజాదీ

- విశ్వకవి జ్ఞాపకాలు 2020 లో కూడా అవసరం కదా ?

పునరపి జననం

పారిజాత
పుష్పాలో
నల్లని
శీతాకాల
రాత్రులో
నీ ఈ
కురుల
నీడల్లో
సాగిపోతే
ప్రతీ
రాత్రి

వసంత
రాత్రుల
మామిడి
చిగురుల
జవ్వన
ఆధరపు
పుల్లని
పెదవులో

కావేరి
ఒడ్డున
ఋతుపవన
గాలుల్లో
చెమ్మని
తొలకరిలో

బ్రహ్మ
గీసిన నీ
కొంటె
కోనల్లో
కలిసి
వేసే
తొలి
నాట్లు

శంఖు
పుష్ప
నారీకేళ
మృదుల
ఎదలలో
కర్కశంగా
కలిసి

కోరుకున్న
ఘాతాల
సాక్షిగా
వదలిపోకు
మిత్రమా

చీమవై
భ్రమరమై
పాల
పిట్టవై
ఎగిరే
హంసవై

నీవు
జన్మనెత్తితే
నీవెనుకే
పీపీలక
కీటక
కౄంచ
పక్కిలా
పుట్టనా
నిను
కుట్టనా

పునరపి
జనణం
నీకై
శయణం

ఒప్పులకుప్పా

పావురాలు
పెంచెనే
శకుంతలను.
దొంగ
రాయలేదా
రసరమ్య
రామాయణము.
లక్షమణుండు
కోసెనే
అబలను.
రాధకు
రావణ
సోదరికి
కుంతికి
గిరిజకు
గంగకు
అంబకు***
యజ్ఞసేనికి
కలిగిందీ
మనసు కాదే ?
మాలి
వాసన
చూస్తేనే
ఆముక్తమాల్యద**
రాముని
భద్రునికే*
అంతుచిక్కని
సత్యం

విరించి
గాధలలో
విధాత
తలపులలో

తప్పుఒప్పులెంచ
సాధ్యమా
ఒప్పులకుప్పా ?

* ఇక్కడ రాముని భద్రుడు ,  రాముడికి సీతపై    తప్పుగా చెప్పిన చాకలి.
** గోదాదేవి పూల వాసన చూసి పెడితేనే దేవుడు గ్రహించే వాడంట !
*** అంబ,   భీష్ముడి చే అపహరింపబడి మోసపడిన అంబ పరసురాముడి శరణం కోరుతుంది.

వలస పక్కి

బైకాల్ సరస్సు
లోతులెరిగి
పులీకాట్
రుచిచూసి

అంటార్కిటికా
అంచుల్లో సేదతీరి
ఎగిరిపోవాలి
టర్న్ పక్షిలా

ఎగిరే  ఆ  వలస
పక్షిని అడుగు
భూమి వ్యాసమెంతో
ఆకలి తీరేటంత

ఆకలి పోటే మిటో
అడుగు టర్న్ పక్షిని
వేల యోజనాలు
సాగేటంత

యోజనాల పొడుగేమిటో
అడుగు వలస పక్షిని
నిద్రలో సయితం
ఎగిరేటంత

నిద్ర మత్తేమిటో
అడుగు వలస పక్షిని
అంతరాళ సువాసన
గుండెల్లో నిండేటంత

మరి బుల్లి గుండెకంత
యాతనెందుకో

కన్న భూమిరా ఇది
వలస పక్షికయిన
భరత భూమిరా
పులికాట్ సరస్సయినా

మీ అనుంగుడు

ఎవరయితే
ఇంటి ముందు
గులాబీ తోట
పెంచగలడో

ఎవరయితే
ద్రాక్ష తీవి
ఒక ఎండు కొమ్మునుంచి
పెంచగలడో

ఎవరయితే
హుమ్మింగ్ పక్షికై
ప్రత్యేకంగా
పుష్పాదులను
పూయించగలడో

ఎవరయితే
సరదాగా మృదంగం
హార్మోనికా
వాయించగలడో

ఎవరయితే
ఇరుగుపొరుగుతో
బాణాలు ఆడించి
శబ్ద భేది చెయ్యగలడో

ఎవరయితే
చెల్లికాయతో
వంట గులాబిజాం
నేర్చుకోగలడో

ఎవరయితే
సన్ గొడుగులో
పార్టీ చేయగలడో

ఎవరయితే
సొంత స్టార్టప్పులో
అర్ధాంగిని
కలుపుకోగలడో

ఎవరయితే అయిదేళ్ళు
ప్రాపకం చేసి నూనుగు
నవబాలుడితో
అణు శాస్త్రం
వల్లింప గలడో

ఎవరిచేత మొక్కగాని
పూవుగాని పిల్లలు గాని
వర్ధిల్లెనో

ఎవరికి శత్రువులు
పుట్టరో పుడితే
క్రమేణా వీర
గంధములు పెట్టెరో

ఎవరి కథలను
భారతీయ వ్యాపార
పాఠసాల (ఐ.ఎస్.బి)
లో కథలుగా చెప్పెరో

ఎవరయితే యువతీ యాతా
నవమృదు కేశావృద్ధి
కళ సృష్టించెనో

ఎవరయితే ఆశువుగా
పెళ్ళాంపై కవితరాసి
ముక్కు చివాట్లు
తినగలడో

అయినా

అతనే శివశక్తి
సమాయోగుడు
అనుంగుడు
మీ కవికటకవి

శకుంతల

వసంతపు మందారాలు
శిశిరపు శశీ
పులకిత తామరలు
ఎండల్లో చెట్టుకే
పండే జీడీ పళ్ళు
రోహిణీ కార్తెలో
భళ్ళున లేచే
సూర్యభగవానుడు
ఆగ్నేయపు ఋతుపవనాలు
మళ్ళీ వచ్చే దీపావళీ

మళ్ళీ మళ్ళీ
వలస వచ్చే
శ్వేత హంసలా
ఈ ఋతువుల సాక్షిగా

కదిలే నీ కళ్ళలోని
రెండు పుష్కరాల
అలల కలల
ఊసులు

శిశిరపు నిశా
రాత్రిని కాటుక
చేసిపెడితే
పొరపాటున
వర్షించిన మేఘంలా
ఒక్క ఒక్క
బొట్టు రాలితే
నీ కాటుక కళ్ళలో
కాశ్మీరపు బోటు
షికారులా
అప్పుడే కొండమల్లె చెండుపై
వర్షించిన తొలకరినై పోదునా

తడిగుడ్డతో
మూసిన మొగ్గలనో
పొగమంచు కప్పుకున్న
కొండల్లా ప్రకృతీ
కన్యపు ఎదనో

నీ విశాల సాగర
నిర్మల ప్రశాంత
మనసుకు
పులీకట్ సరస్సులా
దప్పికిచ్చిన
సుమధుర
ఎదలో
వలస పక్షినై
పుట్టలేనే

కైలాసాన్ని
తప్పించుకున్న
గంగ ఉరకలెత్తినట్టున్న
నీ నల్లటి కురుల
సువాసనలో
డిసెంబర్ వెన్నెల్లో
వీచే ఎడతెరిపి గాలుల్లో
వాగే గుండెలు
నీ కురుల
వాగుల్లో ఆగిపోలేవా

పుట్టతేనె తెచ్చి
కోనసీమ కొబ్బరి లోపోసి
వర్షాల్లో కొండల్లో
కొనల్లో పుట్టే
జలపాతపు
నీటిలో కలిపిన
మాధుర్యాన్ని
నిను చేరే
మేఘంలా
ఎలా చేరాలి

నా కళ్ళలోని
అలల కలల
ఊసులు